Mamlakatimizda oliy ta’lim va fan sohalari, jumladan oliy o‘quv yurtidan keyingi ta’lim tizimini isloh qilish bo‘yicha keng qamrovli dasturiy tadbirlar amalga oshirilmoqda. Bugun zamon shiddat bilan rivojlanyapti. Ilm-fanda ham qator yutuqlarga erishilmoqda. Har bir ta’lim muassasasida ilmiy kengashlar faoliyatlari yo‘lga qo‘yildi. Muhtaram yurtboshimizning 2017 yil 20 apreldagi № PQ-2909 sonli “Oliy ta’lim tizimini yanada rivojlantirish chora-tadbirlari to‘g‘risida”gi qarori, 2018 yil 5 iyundagi № PQ-3775 sonli “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi qarori, 2017 yil 16 fevral PF-4958-sonli “Oliy o‘quv yurtidan keyingi ta’lim tizimini yanada takomillashtirish to‘g‘risida”gi Farmonida ko‘rsatilganidek, oliy ta’lim muassasalari ilmiy salohiyatini mustahkamlash, oliy ta’limda ilm-fanni yanada rivojlantirish, uning akademik ilm-fan bilan integrasiyalashuvini kuchaytirish, oliy ta’lim muassasalari professor-o‘qituvchilarining ilmiy-tadqiqot faoliyati samaradorligi va natijadorligini oshirish, iqtidorli talaba-yoshlarni ilmiy faoliyat bilan shug‘ullanishga keng jalb etish, xalqaro ilmiy-texnik ma’lumotlar bazalaridan foydalanishga sharoitlar yaratish, professor-o‘qituvchilarning ilmiy natijalarini xalqaro miqyosda keng nashr etish kabi qator vazifalar belgilab berilgan.2020 yil 9 dekabr kuni Buxoro davlat universitet huzuridagi filologiya fanlari bo‘yicha falsafa doktori (PhD) ilmiy darajasini beruvchi PhD.03/27.02.2020.Fil.72.09 raqamli Ilmiy kengashi bo‘lib o‘tdi. Himoyada 17 nafar kengash a’zolaridan iborat professor-o‘qituvchilar va boshqa ilmiy tadqiqotchilar, izlanuvchilar ishtirok etdilar. Kengash kun tartibida Buxoro davlat universiteti O‘zbek adabiyoti kafedrasi mustaqil izlanuvchisi Rajabova Ra’no Zaripovnaning 10.00.02 – O‘zbek adabiyoti ixtisosligida “O‘zbek bolalar adabiyotida folklor janrlari stilizasiyasi” hamda O‘zbek tilshunosligi kafedrasi mustaqil izlanuvchi Sharipova Mavluda Boymurotovnaning 10.00.01 – O‘zbek tili ixtisosligida “Navoiy badiiy asarlaridagi literonimlarning leksik-semantik va lingvopoetik tadqiqi” mavzusidagi filologiya fanlari bo‘yicha falsafa doktori (PhD) ilmiy darajasini olish uchun tayyorlagan dissertasiya ishining himoyasi ko‘rildi. Ikkala dissertasiya dolzarbligi, ilmiy yangiligi, amaliy ahamiyati va chop etilganlik darajasi bo‘yicha O‘zR OAKning doktorlik dissertasiyalariga qo‘ygan talablariga javob berishi 10.00.01. – O‘zbek tili ixtisosligi va 10.00.02 – O‘zbek adabiyoti bo‘yicha falsafa doktori (PhD) ilmiy darajasini olishga loyiqligi kengash raisi f.f.d., prof. M.Q.Abuzalova tomonidan e’tirof etildi.Bugun g‘urur bilan shuni ayta olamizki, Muhtaram Prezidentimiz tomonidan olib borilayotgan oqilona siyosat, har bir tadqiqotchining manfaatiga xizmat qilayotganligi, o‘z ta’lim muassasasida ilmiy tadqiqot himoyalariniing o‘tkazilishi, ilmiy izlanuvchilarga kuch-g‘ayrat bag‘ishlaydi. Berilayotgan bunday imkoniyat va shart-sharoitlarlar uchun hukumatimizga, Oliy va o‘rta maxsus ta’lim vazirligiga, albatta Oliy attestasiya komissiyasiga minnatdorchilik bildiramiz.BuxDU Matbuot xizmati
