Jismoniy tarbiya fakulteti talaba-yoshlari o`rtasida universitet «Ibn Sino salomatlik maskani» ma’rifat markazi, Buxoro viloyat OITSga qarshi kurash markazi bilan hamkorlikda “OIV infeksiyasi, etiologiyasi, epidemiologiyasi va profilaktikasi” mavzuida davra suhbati o`tkazildi.Davra suhbatida BuxDU «Ibn Sino salomatlik maskani» ma’rifat markazi rahbari G.Murotova, Buxoro viloyat OITSga qarshi kurash markazi mutaxasislari- R.Bekmurodov, B.Hamrayev, R.Madatov, fakultet dekani B.B.Ma’murov, fakultet ma’naviy-ma’rifiy ishlar bo`yicha dekan muovini I.I.Saidov,fakultet xotin-qizlar qo`mitasi raisi M.B.Raxmonova va professor-o`qituvchilar hamda 1-2-3 kurs talabalari ishtirok etdi. Buxoro viloyat OITSga qarshi markaz mutaxasisi B.Hamroyev: “Hozirgi kunda insoniyat salomatligini asrash va hayotini uzaytirish imkonini beruvchi davolash usullari ishlab chiqilgan, ammo ular mukammal emasligi, bundan tashqari, rivojlanayotgan mamlakatlarda yashayotgan bemorlarning hammasi ham bunday davolanishga qodir emasligi, OITSga qarshi vaksina yo`qligi xavfli kasallikning tarqalishi oldini olishning asosiy usuli hayot tarzini o`zgartirish bo`lib qolayotganligi”ni ta’kidladi. Davra suhbatida ishtirok etgan ma’ruzachilar tomonidan tayyorlangan slayd-ko`rgazmalar namoyish etildi va mavzuning mazmun-mohiyati ochib berildi.
