2020 yilning 9 dekabr kuni Buxoro davlat universiteti Iqtisodiyot va turizm fakulteti rahbariyati Oliy va o‘rta maxsus ta’lim Vazirining 2020 yil 28 noyabr kuni videoselektor tarzda o‘tkazilgan yig‘ilishida berilgan topshiriqlardan kelib chiqib Toshkent davlat iqtisodiyoti universitetida bo‘lishdi. Safar chog‘ida delegatsiya a’zolari Toshkent davlat iqtisodiyot universitetida Iqtisodiyot, Xalqaro turizm fakultetlarida bo‘lishib, dekanat va kafedralarda o‘quv, ilmiy, uslubiy hamda yoshlar bilan ishlash sohasidagi, xalqaro va mahalliy darajadagi hamkorliklar, moddiy-texnik ta’minot ahvoli, ishlab chiqarish bilan hamkorlik, bitiruvchilar bilan ishlash kabi yo‘nalishlardagi tajribalarni o‘rganishdi. Shuningdek, Kredit-modul tizimida o‘qishni tashkil etish bo‘limida bo‘lib ta’lim muassasida kredit-modul shaklida ta’limni tashkil etish jarayonlari bilan, Ta’lim sifatini nazorat qilish bo‘limida bo‘lib ta’limning sifati samaradorligini oshirish, milliy va xalqaro reyting indikatorlarini yaxshilash bo‘yicha amalga oshirilayotgan ishlar bilan tajribalarni o‘rtoqlashishdi.Tashrif davomida Buxoro davlat universiteti Iqtisodiyot va turizm fakulteti hamda Toshkent davlat iqtisodiyot universitetining Iqtisodiyot hamda Xalqaro turizm fakultetlari o‘rtasida o‘quv jarayonlarini tashkil etish, ilmiy-tadqiqot yo‘nalishlarida, adabiyotlar yaratish sohalarida kafedralararo hamkorlikka kelishib olindi. Iqtisodiyot va turizm fakulteti jamoasi uchun bunday tajriba almashish safari davom etadi.
