10-noyabr kuni xalqaro hamkorlik bo‘yicha prorektor A.Jo‘rayev Turkiyaning Pamukkale universiteti xalqaro aloqalar boshqarmasi vakillari bilan onlayn uchrashuv o‘tkazdi. Uchrashuvda Pamukkale universiteti xalqaro aloqalar boshqarmasi koordinatori Zeha Yakar va boshqarma mutaxassislari ishtirok etishdi. Pamukkale universiteti Turkiyaning Denizli shahrida joylashgan bo‘lib, 1992 yilda tashkil etilgan. Hozirgi kunga qadar universitetni 117 ming nafarga yaqin talaba bitirgan. Ayni paytda universitetda 51 ming talaba taʼlim olib, 2200 nafarga yaqin pedagog xodim hamda 1400 nafardan ortiq xodimlar faoliyat ko‘rsatishmoqda. Turli akademik reytinglarda Pamukkale universiteti 1300-1800 oralig‘ida o‘rin egallab kelmoqda. Uchrashuvda o‘zaro hamkorlik o‘rnatish masalalari muhokama qilindi. Pamukkale universiteti tomoni iqtisodiyot, xorijiy tillar hamda matematika yo‘nalishlarida qo‘shma taʼlim dasturlarini yo‘lga qo‘yish niyatida ekanliklarini maʼlum qilishdi. Prorektor A.Jo‘rayev xalqaro miqyosdagi tashabbuslar albatta qo‘llab-quvvatlanishi, shuning bilan birga taʼlim tili va shakli bo‘yicha aniq takliflar bo‘lsa, bu masala bo‘yicha xulosaga kelish mumkinligini maʼlum qildi.Tomonlar yaqin kunlar ichida har ikki universitetdagi yo‘nalishlar o‘quv rejalarini solishtirib ko‘rishga kelishib olishdi.BuxDU Matbuot xizmati
