11.01.2022

BUXORO DAVLAT UNIVERSITETI YOSHLAR ITTIFOQI BOSHLANG'ICH TASHKILOTI, TABIIY FANLAR  FAKULTETI HAMDA YOSHLAR BILAN ISHLASH, MA’NAVIYAT VA MA’RIFAT BO’LIMI HAMKORLIGIDA 1-DEKABR-XALQARO OITSGA QARSHI KURASHISH KUNI MUNOSABATI BILAN «BIZ-OITSGA QARSHIMIZ» VA “GIYOHVANDLIK – KELAJAK KUSHANDASI” SHIORI OSTIDA TADBIR BO’LIB O’TDI.Tadbirni Yoshlar bilan ishlash prorektori A.M.Kadirov kirish so’zi bilan ochib berdi. Talabalarni tadbir ishtirokchilari bilan tanishtirdi. Salomatlik bu - eng avvalo, uzoq umr ko'rish davomida uning yuqori sur’atdagi ishchanlik qobiliyati va ijtimoiy faolligi, psixik va fiziologik sifatlarini saqlash va rivojlantirish demakdir. O‘zbekiston Respublikasining Prezidenti rahbarligi ostida ma’naviy va jismoniy sog‘lom avlodni dunyoga keltirish, tarbiyalash, har tomonlama barkamol shaxsni shakllantirish g‘oyasi davlat siyosati darajasiga ko‘tarildi, sog‘lom avlod g‘oyasini amalga oshirish uchun milliy genofondni saqlash, milliy mentalitetni kuchaytirish, jismoniy va ma’naviy jihatdan sog‘lom avlodni tarbiyalash, erkin va mustaqil, kuchli va sofdil avlodni o’stirish asosiy vazifalardan biri sanaladi - deb ta’kidladi. Shundan so’ng, tadbirga tashrif buyurgan OITS ga qarshi kurashish markazi va Viloyat narkologiya dispanseri mutaxassislari so’zga chiqib, OITS kasalligi va Giyohvandlikning zararli oqibatlari to’g’risida talabalarga tushunchalar berishdi va ularni ogohlikka chaqirishdi. Mutaxassislar talabalarni qiziqtirgan savollariga bevosita javob berishdi.Tadbir davomida tabiiy fanlar fakulteti Yoshlar bilan ishlash bo‘yicha dekan muovini N.Jo‘rayev va fakultet yoshlar yetakchisi S. Nazarova boshchiligidagi faol talabalar ishtirokida OITS kasalligi va Giyohvandlikning zararli oqibatlari to'g’risidagi sahna ko’rinishlari namoyish etildi.Tadbir so'ngida, tadbirda faol ishtirok etgan talabalar universitet Yoshlar ittifoqi Boshlang'ich tashkiloti yetakchisi F.Karimov tomonidan faxriy yorliqlar bilan taqdirlandi.BuxDU Matbuot xizmati