11.01.2022

Bugun, 9-noyabr kuni Buxoro davlat universitetida mamlakatimizda amalga oshirilayotgan islohotlarning mazmun-mohiyati va ahamiyatini keng jamoatchilikka yetkazish, joylarda o‘tkazilayotgan targ‘ibot tadbirlarida aholining barcha qatlamlarini to‘la qamrab olish maqsadida noyabr oyida «Yangi O‘zbekiston – yangicha dunyoqarash» g‘oyasi ostida o‘tkaziladigan targ‘ibot tadbirlari samaradorligini oshirish uchun o‘quv kurslari boshlandi.Dasturga ko‘ra o‘quv kurslari uch kun davom etishi belgilangan bo‘lib, unda turli mavzular bo‘yicha davlat va jamoat arboblari, oliy talim muassasalari rektorlari, professorlar, sohalar bo‘yicha yetuk mutaxassislar tinglovchilarga tahliliy materiallar, xulosalar, metodikalarni taqdim etadilar.O‘quv kursining birinchi kunida Buxoro viloyat hokimligi vakillari, tuman hokimining yoshlar bilan ishlash bo'yicha o'rinbosarlari, oliy ta’lim muassasalari professor-o‘qituvchilari, xalq ta’limi xodimlari, turli tashkilotlari vakillaridan iborat targ‘ibot guruhlari uchun Toshkent Moliya instituti rektor Teshabayev To'lqin Zakirovich, Toshkent davlat yuridik universiteti professori Feruza Muhiddinova, Buxoro davlat universiteti rektori Obidjon Xamidov, Toshkent davlat sharqshunoslik universiteti Yoshlar bilan ishlash bo'yicha dekan o'rinbosari G'ulom Arifjonov, Toshkent davlat agrar universiteti dotsenti Xusen Hamroyev, Toshkent davlat o'zbek tili va adabiyoti universiteti o'qituvchisi Ibodulla Uzoqov va boshqa trenerlar o‘quv mashg‘ulotlarini olib bordilar.Mashg‘ulotlarda Prezidentimizning Oliy Majlisga murojaatnomasi, O‘zbekistonning ichki va tashqi siyosati, Konstitutsiyamizning huquqiy ahamiyati, Yangi O‘zbekistonning yangi taraqqiyot bosqichi kabi masalalarda mashg‘ulotlar tashkil etildi.Tinglovchilar uchun uch kun davomida 26 nafar trenerlar yordamida pandemiya davrida davlatimiz tomonidan aholini ijtimoiy qo‘llab-quvvatlash, bunda birinchi navbatda ehtiyojmand qatlam vakillariga katta e’tibor qaratish maqsadida «Temir daftar» hamda yoshlar va ayollarning bandligini ta’minlash maqsadida «Ayollar daftari» va «Yoshlar daftari»ni shakllantirish yo‘lga qo‘yilganligi, mazkur islohotlar mazmun-mohiyatini aholiga yetkazish, uning har bir kishi hayoti, farzandlari kelajagiga ta’sirini tushuntirish, omma bilan maqsadli va manzilli ishlash texnologiyalari, targ‘ibot ishlarini amalga oshirish metodlari bo‘yicha mashg‘ulotlar o‘tkazilishi rejalashtirilgan.Targ‘ibot guruhlari joylarga chiqqan holda aholini yurtimizda va dunyoda bo‘layotgan siyosiy, ijtimoiy-iqtisodiy vaziyatdan xabardor qilish, mamlakatimizda amalga oshirilayotgan keng qamrovli islohotlarning mazmun-mohiyati va ahamiyatini keng jamoatchilikka yetkazish, xalqimizga xos azaliy qadriyatlarni aholi orasida targ‘ib qilish, bunda Buxoro viloyatidagi har bir tuman va shaharning o‘ziga xos xususiyatlari, aholining yosh toifasi, oilalar tarkibini inobatga olish zarurligi belgilangan.    BuxDU Matbuot xizmati