11.01.2022

Respublika Ma’naviyat va ma’rifat markazi Buxoro viloyat bo‘limi "Ma’rifat" targ‘ibotchilar jamiyati bilan hamkorlikda Buxoro davlat universitetida "Ma’naviyat - eng ta’sirchan va qudratli qurolimiz" mavzusida tadbir tashkil etildi. Tadbirda Ma’naviyat va ma’rifat markazi "Ma’rifat" targ‘ibotchilar jamiyati Buxoro viloyat hududiy bo‘limi bosh mutaxassisi N.Ibodova, BuxDU Yoshlar bilan ishlash bo'yicha prorektori A.Kadirov, Ma’naviyat va ma’rifat markazi Buxoro shahar bo‘linmasi rahbari A.Hakimov hamda professor ustoz-murabbiylar ishtirok etdi. Tadbir davomida mamlakatimizda olib borilayotgan islohotlarni keng aholi vakillariga "mahallabay" yetkazishda o‘tkazilgan ma’naviy-ma’rifiy va madaniy targ‘ibot tadbirlarida "Ma’rifat" targ‘ibotchilar jamiyati a’zolari sanalmish ushbu ta’lim dargohi ustozlarining hissasi katta ekanligi borasida gapirib o‘tildi.Respublika Ma’naviyat va ma’rifat markazi Buxoro viloyat bo‘limi tomonidan Buxoro davlat universitetida tashkil etilgan tadbir so‘ngida yil davomida hamda "Yangi O‘zbekiston - yangicha dunyoqarash" g‘oyasi ostida o‘tkazilgan ma’naviy-ma’rifiy va madaniy targ‘ibot tadbirlarida faol ishtirok etgan targ‘ibotchilarga "Ma’rifat" targ‘ibotchilar jamiyatining tashakkurnomasi va Ma’naviyat va ma’rifat markazi Buxoro viloyat bo‘limining kitoblar jamlanmasi taqdim etildi.BuxDU Matbuot xizmati