11.01.2022

Xorijiy tillar fakulteti Tarjimashunoslik va lingvodidaktika kafedrasi o’qituvchisi Nilufar Ro’ziyeva tomonidan 11-7 GHTF 20 guruh talabalari ishtirokida Buxoro Davlat Universiteti Talabalar turar joyida “Kafedra kunlari” tadbirlari doirasida yoshlar ma’naviyatini yuksaltirish va ularda sharqona odob-axloq tushunchalarini yanada chuqur singdirish, qadriyatlarimizga hurmat hissini orttirish maqsadida “Odobing-ziynating” shiori ostida davra suhbati o’tkazildi. Davra suhbatida avvalo qizlarni talabalikka qabul qilinganliklari bilan tabriklash bilan bir qatorda universitet yotoqxonasidagi ular uchun yaratilgan shart-sharoitlar haqida gapirib o’tildi. Talabalarga bu yaratilgan sharoitlardan unumli foydalangan holda o’z oldilariga qo’ygan maqsadlari sari harakat qilib katta muvaffaqiyatlarga erishish mumkinligi eslatib o’tildi. Talaba qizlar ham shu o’rinda o’zlarini qiziqtirgan savollarni berishdi. Davra suhbati qiziqarli va mazmunga boy bo’ldi.BuxDU Matbuot xizmati