11.01.2022

Axborot texnologiyalari bo‘yicha mutaxassis – dunyodagi va O‘zbekistondagi eng talab kuchli bo’lgan kasblardan biridir. 2020 yil 3 dekabr kuni Davlat xavfsizlik xizmati Buxoro viloyati boshqarmasi xodimi Hamidov Elbek hamda Buxoro davlat universiteti fizika-matematika fakulteti Amaliy matematika va dasturlash texnologiyalari hamda Axborot texnologiyalari kafedrasi professor-o’qituvchilari tomonidan Prezidentimiz tomonidan ilgari surilgan 5 muhim tashabbusning 3-tashabbus doirasida AT sohasida yetuk mutaxassis kadrlarni tayyorlash mavzusida tadbir tashkil qilindi. Tadbirni fakultet dekani Jo’rayev H.O. ochib berdilar va ushbu yo’nalishda fakultet doirasida yo’lga qo’yilgan ishlar va talabalarga yaratib berilgan imkoniyatlar haqida gapirdilar. Tadbirda so’zga chiqqan o’qituvchilar hozirda deyarli barcha tarmoqlar axborot texnologiyalaridan foydalangan holda o‘z faoliyatini yuritishi, O‘zbekistonda soha rivojiga hamda insonlar hayotini yengillashtirish uchun taqdim etilayotgan xizmatlar sifatini yaxshilash maqsadida innovatsion yechimlarni tatbiq etish sifatini yaxshilashga katta e'tibor qaratilayotgani haqida so’z yuritdilar. Buxoro  shahrida zamonaviy infratuzilmaga ega bo‘lgan dasturiy mahsulotlar va axborot texnologiyalari texnologik parki – IT-Park barpo etilgani, u hozirdanoq o‘zining dastlabki natijalarini bera boshlagani ta’kidlandi. Bir million o’zbek dasturchi loyihasi haqida gapirilib, dasturning asosiy maqsadi – raqamli texnologiyalar bo‘yicha mutaxassislar avlodini tayyorlash va dasturlash bo‘yicha ularga kerakli bilim va ko‘nikmalar berishligini aytildi. Bu yo’nalishda talabalarga dasturlash sohasi jadal rivojlanib borayotganligi va hamma sohaning ajralmas qismi bo’lib borayotganligi ushbu sohani bitiruvchilaridan katta mas’uliyat talab qilishi, qanday imkoniyatlar mavjudligi gapirildi. Turli sohalarda axborot texnologiyalaridan foydalanish tobora kengayib bormoqda. Bu esa IT-mutaxassislarning xizmatiga bo‘lgan talabning ortib borayotganidan darakdir. Axborot texnologiyalari kommunikatsiyada, boshqaruv sohasida, bank ishida keng qo‘llanilishi, ularning asosida ta'lim dasturlari, geologik-qidiruv va resurslarni qazib olish, zamonaviy sanoatda, tibbiyotda, xavfsizlikni ta'minlashda zarur bo‘lgan yuqori texnologiyalar ishlab chiqilishi zaruriyati yuqori malakali kadrlarni talab qilishi, bu imkoniyatlardan foydalanish talabalarning o’zlariga bog’liqligi BuxDUdagi shu yo’nalishini tugatib, AT kompaniyalarining muvaffaqiyatli rahbari sifatida faoliyat olib borayotgan dasturchilar hayotiy misol qilib keltirildi.BuxDU Matbuot xizmati