11.01.2022

Buxoro davlat universitetida ochilgan Fransiyaning Vatel mexmonxona va turizm biznes oliy maktabi qo’shma ta’lim dasturi II – bosqich talabasi Shamsuddinova Vazira iqtidorli va tinib-tinchimas talabalardan. Shu qisqa vaqt ichida ancha yutuqlarga erishdi. Jumladan, turizm yo’nalishi bo’yicha Toshkentda 2020 yilning fevral va iyun oylarida o’tgan xalqaro anjumanlarda faol ishtirok etib, fortepiano yo’nalishi bo’yicha ham o’z iqtidorini namoyish etib keldi. Bundan tashqari Germaniyaning Frankfurt shahrida 2020 yil iyun oyida bo’lib o’tgan “PROFESSION OF THE FUTURE” onlayn xalqaro talabalar tanlovida g’olib bo’lib, II – darajali laureat diplomi bilan taqdirlandi. Bu tanlovda talabamiz ingliz tilida turizm yo’nalishi bo’yicha taqdimot qildi hamda san’atning fortepiano yo’nalishida ham o’z asarini taqdim etdi.Bu tanlovlarda Vaziraning yutuqlarga erishishiga ustozi Sanjar Qurbonovning hissasi juda katta. Bu yutuqlari uchun ustozi ham Fransiyaning “EURO MEDIA STAR GROUP” xalqaro tashkiloti tomonidan diplom bilan taqdirlandi.Vaziraning yana bir yuqori yutuqlaridan biri u Fransiyada 2020 yil iyul oyida bo’lib o’tgan “EURO VISION MEDIA STAR” onlayn musiqiy xalqaro tanlovida fortepiano yo’nalishi bo’yicha g’olib bo’lib, II – darajali laureat diplomi bilan taqdirlandi va dekabr oyida Fransiyaning Parij shahrida bo’lib o’tadigan ham musika, ham iktidorli talabalar xalqaro tanloviga ustozi bilan birgalikda taklifnomani qo’lga kiritdi.Bu talabamiz yoshligidan musiqaga qizikib, fortepiano yo’nalishi bo’yicha musiqa maktabi hamda san’at kollejida tahsil olgan. Shuningdek xozirgi kunda Zulfiya nomli Davlat mukofotiga nomzodi ko’rsatilib, san’at yo’nalishi bo’yicha tayyorgarlik ko’rmoqda. Biz bu qizimizga omadlar yor bo’lishini tilab qolamiz.BuxDU Matbuot xizmati