11.01.2022

Joriy yilning 17-noyabr "Xalqaro talabalar kuni" hamda O'zbekiston Respublikasi Davlat bayrog'i qabul qilinganligining 29 yilligi munosabati bilan Buxoro viloyati Yoshlar markazi faollar zali Buxoro davlat universiteti Yoshlar ittifoqi Boshlang'ich tashkiloti yetakchisi F.Karimov hamda Kengashning bir guruh ko'ngilli yoshlari tomonidan tashkil qilingan tadbirda talabalar bilan to'ldi. Yoshlar ko'zida quvonch, qalblarida faxr tuyg'usi. Necha ming zahmatlar ila erishilgan talabalik baxtining ilk daqiqalarini universitetning birinchi kurs talabalari o'z tengdoshlari bilan an'anaviy tarzda nishonlashdi. Talabalar shousi tarzida tashkillashtirilgan madaniy kechada universitet rahbariyati, professor-o'qituvchilari, Yoshlar Ittifoqi Buxoro viloyat Kengashi xodimlari, Yoshlar Ittifoqi Buxoro shahar Kengashi raisi Anvar Sobirov, yurtimiz sevgan san'atkorlar: "ELDIDO" guruhi, xushovoz xonanda Jamol Baqoyev, Ruslan Raxmonovlar ishtirok etishdi.BuxDU Matbuot xizmati