11.01.2022

Davlatimiz rahbari ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish maqsadida yoshlarga e’tiborni kuchaytirish, ularni madaniyat, san’at, jismoniy tarbiya va sportga keng jalb etish, ularda axborot texnologiyalaridan foydalanish ko‘nikmalarini shakllantirish, yoshlar o‘rtasida kitobxonlikni targ‘ib qilish, xotin-qizlar bandligini oshirish bo‘yicha 5 ta muhim tashabbusni ilgari surgan edi. Yoshlarning ertangi istiqboli, ma’naviyatimiz rivoji uchun xizmat qiluvchi ezgu tashabbuslarning amaliyotga tatbiqi viloyatimizda ham qizg‘in davom etmoqda.Bugun, 2 noyabr kuni “Besh tashabbus haftaligi” doirasidagi tadbirlarning ochilish marosimi Buxoro Yoshlar markazida bo‘lib o‘tdi. Tadbirda so‘z olgan viloyat hokimi vazifasini vaqtincha bajaruvchi Farhod Umarov e’tirof etganidek, tashabbus doirasida har bir shahar va tumanida 1 tadan yangi kitob do‘koni faoliyat ko‘rsatmoqda. Buxoro davlat universitetidan Yoshlar bilan ishlash bo'yicha prorektor A.M. Kadirov, fakultet dekan o'rinbosarlari, BuxDU tayanch doktoranti N.Xolikova, BuxDU Yoshlar Ittifoqi yetakchisi F.Karimov, faol professor-o'qituvchilar hamda yosh iqtidorli talabalar ishtirok etishdi. Tadbir ko'tarinki kayfiyatda o'tkazildi.   BuxDU Matbuot xizmati