11.01.2022

O‘zbekiston Respublikasi Prezidentining 2020 yil 6 noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi PF-6108-Farmoni ijrosini ta’minlash maqsadida joriy yilning 28 noyabrь kuni Buxoro tumanidagi 36-umumiy o‘rta ta’lim maktab direktori Shukurov Xamid Jumaevich, psixolog Arslonov Navro‘z Rustamovich hamda 14 nafar o‘quvchilar Buxoro davlat universitetiga tashrif buyurishdi. Tashrifdan maqsad o‘quvchilarni universitetning faoliyati va salohiyati bilan chuqur tanishtirish hamda o‘quvchilarni o‘qishga kirishi uchun zamin yaratib berish. Birinchi tanishuv universitetning katta majlislar zalidan boshlandi. Maktabga biriktirilgan ishchi guruh a’zolari  O‘zbek tili va adabiyoti kafedrasi dotsenti, f.f.n. Sh.Hayitov, Jahon tarixi kafedrasi o‘qituvchisi, t.f.f.d (PhD) J.Hayitov, Organik va fizkolloid kimyo kafedrasi o‘qituvchisi Z.Sulaymonova, Boshlang‘ich ta’lim metodikasi kafedrasi o‘qituvchisi, p.f.f.d, (PhD) M.Saidova, Ingliz adabiyoti kafedrasi o‘qituvchisi U.Ochilov ishtirok etishdi. So‘zga O‘zbek tili va adabiyoti kafedrasi dotsenti, f.f.n. Hayitov Shavkat Axmadovich chiqib, o‘quvchilarga universitetning tashkil topishi, uning faoliyati, hayoti hamda universitetdagi professor-o‘qituvchilar haqida ma’lumot berdilar. Prezidentimiz yoshlar uchun qanchadan-qancha shart-sharoitlar yaratib berganliklari to‘g‘risida ham gapiririb o‘tdilar. So‘z yakunida o‘quvchilarga universiteting tashkil topishi to‘g‘risida videorolik taqdim etildi. Eksrursiya davomida o‘quvchilar Xorijiy OTMlar bilan hamkorlikdagi qo‘shma dasturlarni muvofiqlashtirish bo‘limi, Fizika va Kimyo kafedralarida tashkil etilgan ilmiy laboratoriyalar, BuxDU mezeyi, Buxoro davlat universiteti va “Yoshlar kelajagimiz” jamg‘armasi o‘rtasida universitetda tashkil etilgan BIZNES AKSELERATOR markazi, BuxDU sport zali hamda Qatag‘on qurbonlari xotirasi muzeyi bilan tanishishdi. O‘quvchilar ushbu ekskursiyadan ijobiy fikrlar bildirishdi.