Buxoro davlat universiteti xalqaro hamkorlik bo‘yicha prorektori A.Jo‘rayev Hindistonning Chandigarx universiteti xalqaro aloqalar bo‘yicha direktori Rajan Sharma bilan onlayn uchrashuv o‘tkazdi. Chandigarx universiteti bilan hamkorlik shartnomasi o‘tgan yilning noyabrida prorektor A.Jo‘rayevning Hindistonda o‘tkazilgan xalqaro taʼlim ko‘rgazmasida ishtirok etgan payt imzolangan edi.Chandigarx universiteti 2012-yilda tashkil qilingan xususiy oliy taʼlim muassasasi bo‘lib, qisqa muddat ichida salmoqli natijalarga erishib, turli reytinglarda ko‘tarilib bormoqda. Shimoliy Hindistonning eng yaxshi universitetlaridan biri sifatida tan olingan Chandigarx universiteti yaqin yillar ichida jahon akademik reytinglarida yuqori 1000 talikka kirishni rejalashtirgan. Universitet tarkibiga 12 ta institut, 30 dan ortiq laboratoriyalar, 14 sanoat markazlari kiradi.Sharma bilan uchrashuvda Chandigarx universitetida amal qiladigan “Xalqaro o‘qituvchi almashinuvi” dasturida BuxDU pedagog xodimlarining ishtirok etishi masalasi muhokama qilindi. Chandigarx universiteti 2021-yilning 18-yanvaridan 9-apreligacha davrda 1 haftadan 12 haftaga qadar muddatda o‘z sohasining yetuk olimlaridan bo‘lgan xorijlik o‘qituvchilarni dars o‘tish uchun Hindistonga taklif qilmoqda. Hindistondagi barcha xarajatlar Chandigarx universiteti tomonidan, yo‘l xarajatlari o‘qituvchi tomonidan qoplanadi. Dastur to‘g‘risida qo‘shimcha maʼlumotlar alohida taqdim etiladi.BuxDU Xalqaro hamkorlik bo'limi
