“Sog`lom bola yili” Davlat dasturi asosida qator tadbirlar amalga oshirib kelinmoqda. Mazkur dasturning IV yo`nalish 82-bandi hamda 2014 yilda yoshlarga oid davlat siyosatini amalga oshirishga qaratilgan qo`shimcha chora-tadbirlar Dasturining V-yo`nalish 41 bandiga asosan universitet talaba-yoshlari o`rtasida sog`lom turmush tarzini targ`ib qilishga bag`ishlab o`nlab tadbirlar amalga oshirildi.Jumladan, Fizika-matematika fakulteti talaba-yoshlari o`rtasida 2014 yil 4 noyabr kuni “Ekologiyaning inson salomatligidagi o`rni” mavzuida davra suhbati o`tkazildi. Tadbirda Ma’naviy-ma’rifiy ishlar bo`yicha prorektor - A.M.Kadirov Fizika-matematika fakulteti ma’naviy-ma’rifiy ishlar bo`yicha dekan muovini - J.Nuriddinov, Ekologiya kafedrasi o`qituvchisi - B.Doniyorov, “Ibn Sino salomatlik maskani” ma’rifat markazi rahbari G.S.Murotova, fakultet professor o`qituvchilari va matematika yo`nalishi 1 bosqich talabalari ishtirok etdi. Davra suhbatida ekologik tarbiyani shakllantirish, suv, havoning inson hayoti va salomatligini ta’minlovchi muhim omil ekanligi, joylarda muntazam ravishda atrof-muhitni tozaligini asrab avaylashga qaratilgan tadbirlar olib borish, sog`lom turmush tarzi targ`iboti hamda suv manbaalarini chiqindilardan ehtiyot qilish, yozgi mavsumlarda faqat qaynatilgan suv iste’mol qilishini ta’minlash, bolalarni qaynatilgan suv ichishga odatlantirish, shuningdek, yuqumli kasalliklarni oldini olish to`g`risida talaba-yoshlarga ma’lumot berildi. Ma’naviyat va ma’rifat bo`limi boshlig`i A.M.Jumayev
