11.01.2022

Zamonaviy oliy ta’limda talabalarga nazariy bilimlar bilan bir qatorda amaliy ko‘nikma va malakaga ega bo‘lishlari talab etiladi. Bu o‘rinda mustaqil ta’lim, malakaviy va ishlab chiqarish amaliyotlari muhim o‘rin egallaydi. Buning uchun o‘z o‘rnida talabalarga ishlab chiqarish hamda xizmat ko‘rsatish korxona va tashkilotlarida amalga oshiriladigan malakaviy amaliyotlarning ahamiyati kattadir.Buxoro davlat universiteti Iqtisodiyot va turizm fakulteti Xizmatlar sohasi ta’lim yo‘nalishida malakaviy amaliyotlar boshlanganligi munosabati bilan 2020 yilning 16 sentabr kunida “Servis sohasi iqtisodiyoti” kafedrasi professor-o‘qituvchilari va talabalari ishtirokida Buxoro viloyatining eng zamonaviy mehmonxonalaridan biri, 4 yulduzli “Sahid Zarafshon” mehmonxonasida mazkur mehmonxona ma’muriyati bilan hamkorlikda seminar tashkil etildi.Seminar davomida kafedra mudiri, dotsent S.U.Tadjiyeva va katta o‘qituvchisi L.B.Navro‘zzoda, mehmonxona ma’muriyati vakillari Iqtisodiyot va turizm fakulteti 3-1XS-19 guruhi talabalarini amaliyotni o‘tkazish bo‘yicha uslubiy ko‘rsatmalar berishdi hamda mehmonxonaning tuzilishi, binosi, tashkiliy tarkibi, bo‘limlari, xonalari va qo‘shimcha xizmatlari bilan tanishtirishdi. Shuningdek talabalar mehmonxona xodimlari bilan o‘z kasblari bo‘yicha suhbatlashishdi. Mazkur seminardan ular yuqori taassurotlar bilan qaytishdi.Mazkur mehmonxonada talabalar karantin qoidalariga amal qilgan holda 28 sentabrgacha malakaviy amaliyotda bo‘lishadi va o‘zlarining nazariy bilimlarini amalda sinab ko‘rishadi, ko‘nikmalarini rivojlantirishadi. Seminar o‘z maqsadiga to‘la erishdi va bunday hamkorlikni kelgusida bardavom bo‘lishi mavqsadida mehmonxona ma’muriyati bilan kelishib olindi.BuxDU Matbuot xizmati