11.01.2022

90 yillik tarixga ega bo`lgan Buxoro davlat universiteti Respublikamizning eng nufuzli oliy o`quv yurtlaridan biri hisoblanadi. Universitetda 2020-2021 o`quv yili uchun talabalar qabuli adolat va shaffoflik mezonlari asosida tashkil etildi. Jumladan Iqtisodiyot va turizm fakultetida 2020-2021 o`quv yilida bakalavriatning kunduzgi va kechki ta`lim shakli bo`yicha Iqtisodiyot (tarmoqlar va sohalar boʼyicha), Buxgalteriya hisobi va audit (tarmoqlar va sohalar boʼyicha), Marketing (tarmoqlar va sohalar boʼyicha), Mehmonxona xoʼjaligini tashkil etish va boshqarish, Turizm (faoliyat yoʼnalishlar boʼyicha), Statistika (tarmoqlar va sohalar), Logistika (agrologistika), Аgrobiznes va investitsion faoliyat ta`lim yo`nalishiga 575 ta o`rin ajratildi.O'zbekiston Respublikasi Prezidenti Sh.Mirziyoyevning Buxoro viloyatiga tashrifi davomida bergan topshiriqlari ijrosini ta`minlash maqsadida Logistika (agrologistika) ta`lim yo`nalishiga 50 ta, Аgrobiznes va investitsion faoliyat yo`nalishiga 50 ta qabul kvotalari ajratildi.Eng e`tiborlisi, qabul rejasida belgilangan 575 ta o`ringa jami 6125 nafar abituriyentlar hujjat topshirib, bir o`ringa 11 nafar abituriyent da`vogarlik qildi. Mazkur ko`rsatkichlar bo`yicha universitet respublika oliy o`quv yurtlari ichida yuqori o`rinlarni egalladi.Ayniqsa, bakalavriatning kunduzgi Iqtisodiyot (tarmoqlar va sohalar boʼyicha), Marketing (tarmoqlar va sohalar boʼyicha) ta`lim yo`nalishlari bo`yicha yuqori ko’rsatgichlar bilan, xususan Mehmonxona xoʼjaligini tashkil etish va boshqarish ta’lim yo’nalishiga Luqmonov Bahodir Bahron o‘g‘li 100% lik natija 189 ball bilan davlat granti asosida talabalar safiga qabul qilindi.Universitetda o`tkazilgan tantanali tadbirda davlat granti asosida talabalik baxtiga erishgan yoshlar, ularning ota-onalari, ustozlari, keng jamoatchilik vakillari ishtirok etdi. Tadbirda universitet rektori O.Xamidov va boshqalar so`zga chiqib, bu yilgi test sinovlarining adolatli o`tganligi, abituriyentlar va ota-onalarga yaratib berilgan sharoitlar haqida so`z yuritdilar.– Men Buxoro shahrida tug`ilib o`sganman, – deydi bu yilgi sinovlarda eng yuqori ball to`plab talabalik baxtiga musharraf bo`lgan Luqmonov Bahodir. – Men Buxoro davlat universitetida o`qishga kirgan barcha talabalarni tabriklayman. Bu yil test sinovlarida eng yuqori 189 ball to`plab Iqtisodiyot va turizm fakulteti Mehmonxona xoʼjaligini tashkil etish va boshqarish ta’lim yo’nalishiga o`qishga kirdim.Tantanali tadbirda eng yuqori ball to`plab, talabalikka tavsiya etilgan bir guruh yoshlar alohida e`tirof etilib, ularga tabriknomalar va sovg`alar topshirildi.