Oʼzbekiston Respublikasi Prezidenti SH.M.Mirziyoyevning "1 oktyabr – O‘qituvchi va murabbiylar kuni"ga bag‘ishlangan tantanali marosimdagi hamda BMT Bosh Assambleyasining 75-sessiyasida nutqlarini keng omaga tanishtirish va Prezident Аdministratsiyasining 2019 yil 11 oktabrdagi topshirigʼi ijrosini taʼminlash yuzasidan maktablarga metodik yordam berish maqsadida Buxoro davlat universiteti rektori Obidjon Xamidov G'ijduvon tumanining 1-son umumo'rta ta'lim maktabiga tashrif buyurdi.Tashrifdan asosiy maqsad - umumtaʼlim maktabi faoliyatini takomillashtirish, oʼqituvchilarning kasbiy va pedagogik mahoratini, oʼquvchilarning ilm-fan va kasb-hunarga qiziqishini oshirish, universitet hamda umumtaʼlim maktablari oʼrtasidagi oʼzaro hamkorlik aloqalarini mustahkamlashdir. Shuningdek, Buxoro davlat universiteti rektori maktab o'qituvchilari hamda rahbariyat bilan uchrashib mazkur maktabdagi pedagoglarga boʼlgan ehtiyoj, taʼlim sifati va moddiy-texnik bazasi oʼrganib chiqdi. Uchrashuv so'ngida universitet rektori 1-son umumta'lim maktabiga 100 dan ortiq badiiy kitoblarni taqdim etdi. BuxDU Matbuot xizmati
