11.01.2022

Oldinroq xabar berganimizdek bugun Buxoro davlat universitetida alohida iqtidor talab etiladigan bakalavriat ta’lim yo‘nalishlariga kirish imtihonlari boshlandi. Ushbu imtihon jarayonlarini shaffof va adolatli o'tkazish maqsadida imtihon oluvchi mutaxassislar yurtimizning boshqa OTMlaridan jalb etilgan. Abituriyentlarning xavfsizligi va sog‘ligini asrash uchun barcha choralar ko‘rilgan. Universitet hududiga kirish dezinfeksiya tunellari o‘rnatilgan. Har bir abituriyent tuneldan o‘tgach, issig‘i o‘lchanib, antiseptik vositalar bilan qo‘llari tozalab,  o‘tkazilmoqda. Imtihon o‘tkaziladigan xona va hududlarda mas’ullar masofani saqlashni nazorat qilmoqdalar. Tibbiyot xodimlari har bir abituriyentni, ayniqsa sport yo‘nalishlari bo‘yicha imtihon topshirayotganlarni sog‘ligini alohida nazorat qilmoqdalar. Ular uchun gigiyena talablariga rioya qilgan holda suv va salqin ichimliklar tashkil qilingan. Xavfsizlikni ta’minlash uchun Milliy gvardiya va Ichki ishlar xodimlari jalb etilgan. Shuningdek imtihon jarayonlarida jamoatchilik kengashi a'zolari ham ishtirok etishmoqda. Ulardan O'zbekiston Respublikasi san'at arbobi, universitet jamoatchilik kengashi a'zosi - Rafiqov Muhammadjon Muxiddinovich, yana bir universitet jamoatchilik kengashi a'zosi, mehnat faxriysi - Behbut Jumayevlar Buxoro davlat universitetiga tashrif buyurib abituriyentlar uchun yaratib berilgan sharoitlar bilan tanishib ular bilan yaqindan suhbat qilishdi.BuxDU Matbuot xizmati