11.01.2022

Mamlakatimizda oliy ta’lim va fan sohalari, jumladan oliy o‘quv yurtidan keyingi ta’lim tizimini isloh qilish bo‘yicha keng qamrovli dasturiy tadbirlar amalga oshirilmoqda.Bugun zamon shiddat bilan rivojlanyapti. Ilm-fanda ham qator yutuqlarga erishilmoqda. Har bir ta’lim muassasasida ilmiy kengashlar faoliyatlari yo‘lga qo‘yildi. Muhtaram yurtboshimizning 2017 yil 20 apreldagi № PQ-2909 sonli “Oliy ta’lim tizimini yanada rivojlantirish chora-tadbirlari to‘g‘risida”gi Qarori, 2018 yil 5 iyundagi  № PQ-3775 sonli “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi Qarori, 2017 yil 16 fevral PF-4958-sonli “Oliy o‘quv yurtidan keyingi ta’lim tizimini yanada takomillashtirish to‘g‘risida”gi Farmonida ko‘rsatilganidek, oliy ta’lim muassasalari ilmiy salohiyatini mustahkamlash, oliy ta’limda ilm-fanni yanada rivojlantirish, uning akademik ilm-fan bilan integrasiyalashuvini kuchaytirish, oliy ta’lim muassasalari professor-o‘qituvchilarining ilmiy-tadqiqot faoliyati samaradorligi va natijadorligini oshirish, iqtidorli talaba-yoshlarni ilmiy faoliyat bilan shug‘ullanishga keng jalb etish, xalqaro ilmiy-texnik ma’lumotlar bazalaridan foydalanishga sharoitlar yaratish, professor-o‘qituvchilarning ilmiy natijalarini xalqaro miqyosda keng nashr etish kabi qator vazifalar belgilab berilgan. Hukumatimiz tomonidan qabul qilingan bir qancha odilona qarorlar natijasi o‘laroq  Buxoro davlat univesitetida uning  90 yillik tarixi davomida 16 ta ixtisoslik bo‘yicha 9 ta ilmiy kengash faoliyati yangi yo‘lga qo‘yilganligi ham fikrimiz isbotidir. Mana shunday kengashlardan biri 10.00.01 (O‘zbek tili), 10.00.02 (O‘zbek adabiyoti) ixtisoslik shifri asosida yaqinda o‘z faoliyatini boshlagan  Buxoro davlat universiteti huzuridagi PhD.03/27.02.2020.Fil.72.09 raqamli  ilmiy kengash ham bugun ilk himoyalarini muvaffaqiyatli tashkil etdi.Yurtimiz bo‘ylab barcha ta’lim muassasalari va tashkilotlarda Davlat tili o‘z maqomini olgan kun yuqori ko‘tarinkilik bilan nishonlanmoqda. O‘tkazilgan ilmiy himoya tilimiz nufuzi uchun qilingan bir tuhfa sifatida e’tirof etildi hamda  ushbu kengash faoliyati ham bevosita tilimizning erkin rivoji va takomili bilan bog‘liq qonuniyatlar va muammolarni o‘rganish, undagi tuganmas ifoda imkoniyatlarini keng targ‘ib qilish hayotimizdagi eng dolzarb masalalardan biri ekanligi, bu borada mamlakatimizda til ta’limining sifati va samaradorligini tubdan oshirishga doir muntazam tadqiqotlar, ilmiy dissertasiya himoyalari, ilmiy loyihalar taqdimotlari muntazam olib borilishi alohida ta’kidlanib o‘tildi.Ilmiy kengash ilk himoyasini universitet rektori O.X.Xamidov kirish so‘zi bilan ochib berildi. Olib borilayotgan ilmiy ishlar salohiyati va kengash faoliyatiga ijobiy tavsif berdi. Himoyada 17 nafar kengash a’zolaridan iborat professor-o‘qituvchilar va boshqa ilmiy tadqiqotchilar, izlanuvchilar ishtirok etdilar. Kengash kun tartibida Buxoro davlat universiteti tayanch doktoranti (PhD) Axmedova Dildora Bahodirovnaning 10.00.01 – O‘zbek tili ixtisosligida «Atov birliklarini o‘zbek tili korpuslari uchun leksik-semantik teglashning lingvistik asos va modellari» hamda  Alisher Navoiy nomidagi Toshkent davlat o‘zbek tili va adabiyoti universiteti ilmiy tadqiqotchisi Xolmuratov  Ikrom  Okmonovichning 10.00.01 – O‘zbek tili ixtisosligida «Janubiy Qoraqalpog‘iston oykonimlarining lisoniy tadqiqi» mavzusidagi filologiya fanlari bo‘yicha falsafa doktori (PhD) ilmiy darajasini olish uchun  tayyorlagan dissertasiya ishining himoyasi ko‘rildi.  Ikkala tadqiqotchining ham o‘zbek tili ixtisosligi bo‘yicha o‘z mavzusi doirasida dissertasiya ishi tugallangan tadqiqot bo‘lib, uning xulosa va natijalari o‘zbek tilshunosligida olib boriladigan tadqiqotlar uchun nazariy manba vazifasini o‘tashi va qabul qilingan ilmiy qonunlarga zid emasligi ta’kidlandi. Dissertasiya dolzarbligi, ilmiy yangiligi, amaliy ahamiyati va chop etilganlik darajasi bo‘yicha O‘zR OAKning doktorlik dissertasiyalariga qo‘ygan talablariga javob berishi 10.00.01. – O‘zbek tili ixtisosligi bo‘yicha falsafa doktori (PhD) ilmiy darajasini olishga loyiqligi kengash raisi f.f.d., prof. M.Q.Abuzalova tomonidan e’tirof etildi.Bugun g‘urur bilan shuni ayta olamizki, Muhtaram Prezidentimiz tomonidan olib borilayotgan oqilona siyosat, har bir tadqiqotchining manfaatiga xizmat qilayotganligi, o‘z ta’lim muassasasida ilmiy tadqiqot himoyalariniing o‘tkazilishi, ilmiy izlanuvchilarga kuch-g‘ayrat bag‘ishlaydi. Berilayotgan bunday imkoniyat va shart-sharoitlarlar uchun hukumatimizga, Oliy va o‘rta maxsus ta’lim vazirligiga, albatta Oliy attestasiya komissiyasiga minnatdorchilik bildiramiz.  BuxDU Matbuot xizmati