11.01.2022

19-oktabr kuni universitetimizning yaqin hamkorlaridan biri – Ural federal universitetining 100 yilligi munosabati bilan Yekaterinburg shahrida tantanali tadbir o‘tkazildi.Hozirgi kunda QS-2021 reytingida nufuzli 331-o‘rinni egallab turgan Ural federal universiteti Rossiya Federatsiyasining yetakchi oliy taʼlim muassasalaridan biri hisoblanadi. UrFU delegatsiyasining 2019 yilning noyabr oyida Buxoro davlat universitetiga tashrifi doirasida munosabatlarning ustivor yo‘nalishlari muhokama qilingan hamda o‘zaro hamkorlik shartnomasi imzolangan edi.Hamkor universitetning 100 yilliga bag‘ishlangan tantanali tadbirda Yekaterinburg shahrida joylashgan konsullik xizmatlari nomidan tabrik uchun O‘zbekiston Respublikasining Yekaterinburgdagi bosh konsuli Abdusalom Hotamov so‘zga chiqdi hamda universitet jamoasini tabrikladi. A.Hotamov tomonidan Ural federal universiteti rektori V.Koksharovga Buxoro davlat universiteti rektori O.Xamidov va jamoamizning iliq tabriklari bitilgan adresat hamda Buxoroning tarixiy markazi, SHHT mamlakatlari moʻjizalaridan biri hisoblanuvchi Poyi Kalon tasviri tushirilgan esdalik sovg‘asini ham topshirdi. Shuningdek, V.Koksharov BuxDUning 90 yilligi munosabati bilan tashkil etilishi rejalashtirilayotgan xalqaro konferensiyaga taklif etildi.UrFU rektori V.Koksharov universitetimizning sovg‘asini mamnuniyat bilan qabul qilib olar ekan, o‘zaro hamkorligimizga yuqori baho berishini, kelgusida munosabatlarimiz yana-da rivojlanishiga ishonch bildirishini taʼkidlab o‘tdi.  BuxDU Matbuot xizmati