O‘zbekiston Respublikasining “Davlat tili haqida”gi Qonuni qabul qilinganining 31 yilligi hamda O‘zbekiston Respublikasi Prezidentining «O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida»gi PF-5850-son Farmonida ko‘zda tutilgan “O‘zbek tili bayrami kuni”ni keng nishonlash, jumladan: o‘zbek tilining davlat tili sifatida nufuzini oshirish va qo‘llanish ko‘lamini yanada kengaytirish; davlat tilini milliy qadriyat sifatida e’zozlash, unga nisbatan milliy g‘urur hissini kuchaytirish va targ‘ib etish; o‘zbek tilining xalqaro mavqeini mustahkamlash maqsadida Buxoro davlat universiteti, Buxoro viloyat hokimligi, O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi innovasion rivojlanish vazirligi, O‘zbekiston Respublikasi Madaniyat vazirligi, Respublika ma’naviyat va ma’rifat markazi Buxoro viloyat bo‘limi hamda Davlat tilini rivojlantirish departamenti bilan hamkorlikda “Davlat tili – ijtimoiy taraqqiyot va yuksalish mezoni” mavzusida Respublika miqyosidagi onlayn ilmiy-amaliy anjumanning ZOOM orqali onlayn o‘tkazildi.Ilmiy-amaliy anjuman yalpi yig‘ilish va 6 ta dolzarb mavzuni qamrab olgan shoʻbalarda faoliyat olib bordi. Anjuman Buxoro davlat universiteti rektori nomidan so'z yuritgan o'quv ishlari bo'yicha prorektor M.I.Daminovning kirish so‘zlari bilan boshlandi. Amaliy konferensiyaning yalpi majlisidada mehmonlarimizdan Buxoro viloyat hokimi maslahatchisi Feruza Ibragimova, viloyat hokim o‘rinbosari Mirali Hamroyev, O‘zbekiston Respublikasi Madaniyat vazirining birinchi o‘rinbosari Jamol Nosirov , Vazirlar Mahkamasining Davlat tilini rivojlantirish departamenti mudiri professor Abdug‘affor Qirg‘izboyev, Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi direktori Inomjon Azimov, O‘zbekiston Respublikasi Oliy Majlisi Senati a’zosi, Respublika «Oila» ilmiy-amaliy tadqiqot markazining Buxoro viloyati boshqarmasi boshlig‘i Abera Amanovna, O‘zbekiston Respublikasi Oliy Majlis qonunchilik palatasi deputati filologiya fanlari nomzodi, professor Tavakkal Ravshanovich, universitet prorektorlari hamda filologiya fakulteti professor-o‘qituvchilari o‘z chiqishlari bilan ishtirok etdilar.Ma’ruzachilar o‘z chiqishlarida o‘zbek tilining muammolari, yechimlari va istiqbollari haqida fikr yuritib, davlat tili rivoji uchun salmoqli ishlar amalga oshirilish takliflarini bildirdilar. Anjumanda rahbariyatning tilimizni madh etuvchi ilhombaxsh she’rlari, universitet tilshunos olimu olimalari tomonidan soha rivoji uchun salmoqli amaliy ishlari jumladan Halqaro va respublika miqyosida darslik, o‘quv qo‘llanma, monografiyalar va tilimiz takomiliga xizmat qiladigan ilmiy maqolalari, Buxoro til markazining ochilish marosimi aks etgan lavhalar, yosh tilshunoslarimiz, doktorantlarimiz tomonidan soha rivoji uchun amaliy harakatlari aks etgan audio va videoroliklar taqdimoti namoyish etildi. Ilmiy-amaliy anjumanda faxriy ustozlar, turli vazirlik va tashkilot rahbarlari, Oliy majlis senati a’zolari, Qonunchilik palatasi deputatlari, Buxoro viloyat hokimligi vakillari, BuxDU raxbariyati, professor-o‘qituvchilar, tilshunos olimlar va talaba yoshlar ishtirok etdilar.Onlayn anjuman BuxDU ilmiy ishlar va innovasiyalar bo‘yicha prorektor O.S.Qahhorov tomonidan olib borildi. Tadbir so‘ngida universitet tilshunos olimlari tilimiz ravnaqi yo‘lida o‘z ilmlarini fidokorona ado etishlari, sohaning yangi tarmog‘i va yo‘nalishlarini kengaytirib, yoshlarimiz intellektual salohiyatini oshirish, yetuk mutaxassislar tayyorlash borasida ulkan natijalarga erishganliklari e’tirof etilib, istiqbolda qilinadigan ishlar hali ko‘p ekanligi ta’kidlab o‘tildi. Yakdillik, hamjihatlik, bag‘rikenglik va yuksak ilmiy salohiyat asosiy mezon bo‘layotgani universitet jamoasi har doim o‘zbek tili ravnaqiga, davlat tilimizning jahon hamjamiyatidagi mavqei bundan ham yuksalishiga o‘zining munosib hissasini qo‘shishiga ishonch bildirildi. Tadbir so‘ngida vatanni madh etuvchi qo‘shiq yangradi. BuxDU Matbuot kotibi Feruzbek Qo'chqorov
