Bugungi kunda Buxoro davlat universitetida 2020-2021 o‘quv yilida universitetda 12 ta fakultet 38 ta kafedra mavjud. Buxoro davlat universitetida 2020-2021 o‘quv yilida 1-kurs 60 ta ta’lim yo‘nalishlari (ulardan 15 ta kunduzgi bakalavriat, 7 ta bakalavriat kechki, 4 ta bakalavriat sirtqi ta’lim yo‘nalishi yangi hisoblanadi) ushbu o‘quv yilidan talabalar qabul qilinishi belgilangan. Joriy yilda 73 ta bakalavriat ta’lim yo‘nalishlari, 32 ta magistratura mutaxassisliklari mavjud.Universitetda 2020/2021 o‘quv yilida universitet talabalarining umumiy kontingenti 19 080 (bakalavriat – 18574 nafar, magistratura – 506 nafar) nafarni tashkil etishi (qo‘shimcha qabul, 5 yillik mehnat staji, 2-mutaxassislikdan tashqari) kutilmoqda. Jumladan, bakalavriat ta’lim yo‘nalishlari bo‘yicha Kunduzgi shaklda – 13 376 nafar, Sirtqi shaklda – 3066 nafar, Maxsus sirtqi shaklda – 795 nafar, Kechki shaklda – 458 nafar, 2-mutaxassislik Sirtqi shaklda – 528 nafar, xorijiy OTMlar bilan qo‘shma ta’lim dasturlari bakalavriat ta’lim yo‘nalishlari bo‘yicha - 351 nafar, magistratura mutaxassisliklari bo‘yicha – 439 nafar, xorijiy OTMlar bilan qo‘shma ta’lim dasturlari magistratura mutaxassislari bo‘yicha – 67 nafar.Buxoro davlat universitetida 2020/2021 o‘quv yilini masofaviy tarzda tashkil etish maqsadida MOODLE platformasining 3.8+ shaklidan (http://nmoodle.buxdu.uz/) foydalanilmoqda. Masofaviy ta’limni tashkil etish uchun universitetda qo‘shimcha 2 ta server kompyuterlar ajratilgan.Buxoro davlat universitetda 2020/2021 o‘quv yilida 2 sentyabrdan boshlab 2-, 3-, 4- kurslar 47 ta bakalavriat ta’lim yo‘nalishi, 31 ta magistratura mutaxassisligi hamda 230 nafar qo‘shma dasturda ta’lim olayotgan talabalar uchun masofaviy ta’lim tashkil etilmoqda. 1-kurslar uchun HEMIS platformasida kredit-modul tizimi asosida o‘quv jarayoni tashkil etiladi.2020 yil 13 oktyabr kuni Buxoro davlat universitetiga Nizomiy nomidagi Toshkent davlat pedagogika universiteti rektori Umarov Alisher Yusupjanovich, o‘quv ishlari bo‘yicha prorektor N.Rahmonkulova, Yoshlar bilan ishlash bo'yicha prorektor F.Madrahimova va bir qator universitetning professor-o‘qituvchilari tashrif buyurib, 2020/2021 o‘quv yilida Nizomiy nomidagi Toshkent davlat pedagogika universitetiga davlat granti va to‘lov-shartnoma asosida talabalar safiga qabul qilingan abituriyentlar bilan hamsuhbat bo‘ldi va universitet moddiy texnik bazasi bilan tanishdilar.Anjumanlar zalida Nizomiy nomidagi Toshkent davlat pedagogika universitetiga o‘qish maqsadida 1-kursga qabul qilingan 225 nafar talabalar bilan universitet rektori Umarov Alisher Yusupjanovich, o‘quv ishlari bo‘yicha prorektor N.Rahmonkulova, Yoshlar bilan ishlash buyicha prorektor F.Madrahimova, fizika-matematika fakulteti dekani Gʻ.Jabborov, dotsent F.Davletov, universitetning mas’ul o‘qituvchilari: H.Nusratova, N.To‘xtayeva, A.Rasulov, M.Qodirovalar bilan uchrashuv tashkillashtirildi.Uchrashuvda Nizomiy nomidagi TDPU rektori Umarov Alisher Yusupjanovich 1-kurs talabalarini o‘qishga qabul qilinganliklari bilan qutlab, talabalarga oliygoh faoliyati, imkoniyatlari, o‘qitish sistemasi, rahbariyati, professor-o‘qituvchilari haqida qisqacha ma’lumot berib o‘tdi. Turli yo‘nalishda o‘qiydigan talabalar bilan ularning sohasidan kelib chiqib, alohida suhbatlashdi va ularga beriladigan imkoniyatlar to‘g‘risida qizg‘in suhbat olib borildi. Shu bilan bir qatorda, joriy o‘quv yilida 1-kurslar kredit-modul tizimida tahsil olishi haqida to‘xtalib, uning afzalliklari, jahon standartlariga to‘g‘ri kelishi haqida taqdimotlar namoyish etildi. TDPU mas’ul o‘qituvchilaridan dosentlar H.Nusratova, N.To‘xtayeva, A.Rasulov, M.Qodirovalar 12.10.2020-17.10.2020 kunlari Buxoro davlat univayersitetida bo‘lib, talabalarga universitet platformasi, kredit-modul tizimi haqida ma’lumot berib, amaliy yordam ko‘rsatishlari ham ta’kidlandi. Tadbir so‘ngida talabalarni va ota-onalarni qiziqtirgan barcha savollarga atroflicha javob berildi va Buxoro davlat universiteti rahbariyatiga minnatdorchilik bildirildi. Buxoro davlat universitetida tashkil etilgan bugungi uchrashuvda 1-kurs talabalaridan bir nechtasi TDPU rahbariyatiga minnatdorchilik bildirib, aynan shu oliygohni tanlaganidan mamnunligini va a’lo baholarda o‘qishga harakat qilishlari haqida o‘z fik-mulohazalarini aytib o‘tishdi.BuxDU Matbuot kotibi Feruzbek Qo'chqorov
