Mustaqillik yillarida O‘zbekistonda tarix fani yangi yondashuvlar bilan bog‘liq o‘zgarishlarga yuz tutdi. Fan taraqqiyoti va ijtimoiy-iqtisodiy rivojlanish O‘zbekiston tarixchilari zimmasiga jahon amaliyoti yutuqlaridan kelib chiqib, tarix fanini yanada yuqori ilmiy-nazariy darajaga olib chiqish hamda yangi ilmiy yo‘nalishlarni o‘zlashtirish kabi vazifalarni yuklamoqda.Yuqoridagi fikrlar ijrosi yuzasidan Buxoro davlat universitetida “JAHON TARIXINING DOLZARB MUAMMOLARI” mavzusidagi onlayn konferensiya bo‘lib o‘tdi. Konferensiyada respublikamizning taniqli olimlari bilan bir qatorda Tojikiston Respublikasi Panjikent davlat pedagogika instituti Ilmiy ishlar va innovatsiyalar bo‘yicha prorektori, tarix fanlari doktori, professor Shodmon Husaynovich Vohidov, Tojikiston Respublikasi Xo‘jand davlat universiteti katta o‘qituvchisi Abdukarimov Jamoliddin, Niderlandiyaning Leyden universiteti (Times-2020 reytingida 67-o‘rin, QS-2020 reytingida 118-o‘rin) Djeymi Komstokk-Skipp, Michigan davlat universiteti (AQSH) professori filologiya fanlari doktori, taniqli tarixshunos olim Temur Xo‘ja o‘g‘li va ko‘plab xorijlik olimlar ishtirok etishdi.Buxoro tarixini ochilmagan tarixiy sahifalarini mukammal va atroflicha tadqiq qilish maqsadlari ham ushbu ilmiy anjuman doirasida yangicha tafakkur asosida tahlil qilindi. O‘tkazilgan konferensiya yuqori saviyada o‘tdi.
