“Uyda qoling va ijod qiling” onlayn-tanloviO‘zbekiston Badiiy akademiyasi Prezidentning 5ta tashabbusi chora-tadbirlari doirasida “Uyda qoling va ijod qiling” shiori ostida Oliy ta’lim muassasalari talabalari o‘rtasida tasviriy va amaliy san’at hamda dizayn yo‘nalishlari bo‘yicha onlayn-tanlov e’lon qiladi. Onlayn-tanlov erkin mavzuda o‘tkaziladi. Yaratilgan ijodiy ishlarda O‘zbekiston madaniyati va san’ati, urf-odat va qadriyatlari, Istiqlol yillarida turli sohalarda qo‘lga kiritilgan yutuqlar va boshqalar aks ettirilishi kerak. Ma’naviyatimizga zid ravishda yaratilgan ijodiy ishlar qabul qilinmaydi.Onlayn-tanlov shartlari.Onlayn-tanlovda ishtirok etish ishtiyoqini bildirgan yosh iqtidorlar karantinda o‘zlari yaratgan ijod namunalaridan tayyorlangan roliklarni Badiiy akademiyaning Tashkiliy guruhi 97.330-32-73 telegram raqamiga yoki This email address is being protected from spambots. You need JavaScript enabled to view it. elektron manziliga (nusxasini @Yoshlar_bilan_ishlash_bot ga) 15 oktyabrga qadar taqdim etadilar. Rolikning titul sahifasida Ishtirokchining surati, F.I.Sh., tahsil olayotgan ta’lim muassasasi ko‘rsatilgan bo‘lishi lozim. Shuningdek, har bir ishtirokchi qayta aloqaga chiqish mumkin bo‘lgan elektron manzil yoki telegram raqam taqdim etishi kerak.Onlayn-tanlov quyidagi nominasiyalar asosida baholanadi:- Eng yaxshi g‘oya muallifi- Eng yaxshi rangtasvir asari- Eng yaxshi grafik asar- Eng yaxshi amaliy san’at asari- Eng kreativ rolik muallifiHar bir nominasiya g‘oliblari quyidagi yosh kategoriyalari o‘rtasida aniqlanadi:- 6 yoshdan 10 yoshgacha- 11 yoshdan 15 yoshgacha- 16 yoshdan 20 yoshgacha- 21 yoshdan 25 yoshgachaOnlayn-tanlov ishtirokchilari taqdirlash:Onlayn-tanlov g‘oliblari Diplom bilan taqdirlanadilar. Bundan tashqari har bir ishtirokchiga onlayn-tanlovda ishtirokchi uchun sertifikat taqdim etiladi. Diplom va sertifikatlar O‘zbekiston Badiiy akademiyasi tomonidan elektron tarzda egalariga yetkaziladi.
