Xurmatli ota – onalar, qadrli talabalar!Bugungi kunda butun dunyoda iqtisodiy – ijtimoiy inqiroz yuzaga kelgan. Koronavirus pandemiyasi yil boshidan beri barcha davlatlarning sillasini quritdi. Oʼzbekiston xam mana 4 oydan buyon ushbu virus bilan kurashib bormoqda. Xukumatimiz say – xarakati va albatta axolimizning metin irodasi, sabr bardoshi evaziga bugungi kungacha 60% bemorlarimiz sogʼayib, odatiy turmush tarziga qaytdi.Аfsuski, shu bugungi kunlarda biz koronavirusning ikkinchi toʼlqinini boshdan kechirmoqdamiz. Kunlik kasallanish xolati 400 – 450 taga yetib koldi, xar kuni yurtdoshlarimiz vafoti xaqida rasmiy xabarlar paydo boʼlmoqda. Raqamlar oʼsishdan toʼxtamayapti. Karantin talablari kuchaytirilmasa, yil yakuniga borib Oʼzbekistonda COVID-19 dan zararlanganlar soni 64 mingdan oshib ketishi taxmin qilinmoqda. Har kuni bir necha oʼlim holati qayd etilmoqda. Bu esa davolanishda oʼta maʼsuliyat talab etishini bildiradi. Shu kunlarda siz-u bizning jipsligimiz va oʼzaro ishonch bilan yorugʼ kunlarga intilishimiz barchasidan muximdir. Bugun Oʼzbekistonda 16 ta shifoxona koronavirusga chalingan fuqarolarni davolash uchun ishlamoqda, Toshkent viloyatida karantin markazlari oʼz faoliyatini yuritmoqda. Viloyatlar kesimida Covid-19 koronavirus infektsiyasiga laborator tahlil olish markazlari haqida maʼlumot tayyorlandi. Jadvallarda markazlarning manzili va telefon raqamlari koʼrsatilgan. Bugun — kuniga 22-24 minggacha PZR test qilinyapti. Xususiy klinikalar hattoki fuqarolarning uyiga borib ham analiz olishi mumkin va tahlil natijasini fuqarolarga telefon orqali aytishi mumkin. Ijtimoiy tarmoqlarda xamda OАVida fuqarolarimizni oʼzlarida kasallik alomatlari sezilgan vaqtda uy sharoitida davolanishlari uchun tavsiyalar berib borilmoqda. Аziz talabalar va ota – onalar! Shu kunlarda sizlardan yana bir bor uyda qolishingizni soʼrab qolamiz. Oliy va oʼrta maxsus taʼlim vazirligi xamda Buxoro davlat universiteti doimo sizlar bilan aloqada va siz bilan muloqotga xamisha shay! Obidjon XamidovBuxoro davlat universiteti rektori, i.f.d. professor
