Joriy yilning 23 oktyabr kuni Germaniya Federativ Respublikasining O`zbekistondagi favqulodda va muxtor elchisi janob Naytxart Xyofer-Vissing universitetimizga tashrif buyurdi. Tashrif doirasida elchi janoblari BuxDU huzuridagi kompyuter va axborot texnologiyalari hamda 4-son akademik litseylarda ham bo`lib, o`qituvchilar va talabalar bilan uchrashdi. BuxDU rahbariyati bilan o`tkazilgan uchrashuvda universitet rektori prof. A.A.To`laganov tomonidan universitet tarixi, hozirgi holat, erishilgan muvaffaqiyatlar, xalqaro hamkorlik masalalari borasida ma’lumot berildi. Germaniya universitetlari, kompaniyalari hamda boshqa ta’lim muassasalari bilan o`zaro hamkorlik o`rnatish borasidagi takliflar muhokama qilindi. N.Xyofer-Vissing BuxDUda nemis tilini o`qitish hamda xalqaro aloqalarda erishilgan mufaqqiyatlarni yuqori baholab, kelgusida Germaniya elchixonasi ushbu masalalarda har qanday ko`makni ko`rsatishga tayyor ekanligini bildirdi.Nemis tilini o`rganayotgan talabalar bilan uchrashuvda universitetimiz talabalari o`z bilimlari yuksak darajada ekanligini namoyish etdilar. Universitet hududi bilan tanishgan elchi janoblarida talabalar uchun yaratilgan imkoniyatlar, sport zallari, talabalar turar joyidagi sharoitlar iliq taasurot qoldirdi.[widgetkit id=33]Ayni paytda universitetimizda ushbu tashrif doirasida erishilgan kelishuvlarni amalga oshirish, xususan nemis markazini tashkil qilish, shuningdek KNAUF kompaniyasi bilan hamkorlikda kasbiy tayyorgarlikni oshirishga qaratilgan loyihalarni amalga oshirish borasida ishlar boshlab yuborildi.
