Kuni kecha Buxoro davlat universiteti Tabiiy fanlar fakulteti Ekologiya va geografiya kafedrasi bir guruh professor–oʼqituvchilari kafedra professori А.E. Xolliyev rahbarligida akademik M. Mirzaev nomidagi Bogʼdorchilik, uzumchilik va vinochilik ilmiy tadqiqot instituti Buxoro ilmiy tajriba stantsiyasining 1 gektardan ortiq maydonida rayonlashtirilgan gʼoʼza navlari ekildi. Tabiiy ofatlar va abiotik ekologik stressorlar taʼsirining ekofiziologik xususiyatlari hamda noqulay agroekologik sharoitlarga navlarning chidamlilik asoslarini oʼrganish maqsadida dala tajribalarining dastlabki bosqichi amalga oshirildi. Kafedra ilmiy salohiyatini oshirish va yoshlarni ilmiy tadqiqot ishlariga jalb qilishda bu kabi eksperimental tajribalarni amalga oshirish muhim hisoblanib, bu kelajakda kafedrada ilmiy-amaliy loyihalarni bajarishda ham asosiy poydevor boʼlishi mumkin. Buxoro davlat universiteti Matbuot xizmati
