Universitetda ta’lim sifatini oshirish, hudud ehtiyojidan kelib chiqqan holda yangi yo‘nalishlarni tashkil etish borasida xalqaro hamkorlik aloqalaridan foydalanib kelinmoqda.1-iyul kuni xalqaro hamkorlik bo‘yicha prorektor A.Jo‘rayev, Xorijiy tillar faulteti dekani M.Jo'rayeva, "Ingliz adabiyoti" kafedrasi dotsenti Feruza Xajiyevalar ishtirokida Bolgariyaning Sofiya universiteti vakillari bilan onlayn uchrashuv o‘tkazildi. Sofiya universiteti Bolgariyaning asosiy oliy ta’lim muassassi bo‘lib, QS jahon reytingida 751-800 guruhida o‘rin egallagan. 1888-yilda tashkil etilgan universitetda ayni paytda 24 mingdan ortiq talaba ta’lim oladi.Universitetimizning Xorijiy tillar fakulteti Sofiya universiteti bilan hamkorlikda bir nechta xalqaro loyihalarni tayyorlab, tanlovlarga topshirishgan. Ayni paytda ushbu tanlovlarning natijalari kutilmoqda. Prorektor A.Jo‘rayev onlayn muloqotda hamkorlikda qo‘shma magistratura dasturlarini tashkil etish, Sofiya universiteti professor-o‘qituvchilarini ma’ruzalar o‘qish, ular uchun 2020-2021 o‘quv yilida dars soatlari ajratish masalalarini muhokama qildi.Muzokaralar natijasida o‘zaro hamkorlik memorandumini imzolash, 2020-2021 o‘quv yili uchun “Til, adabiyot va ommaviy axborot vositalari” qo‘shma magistratura dasturini yo‘lga qo‘yish bo‘yicha dastlabki kelishuvlarga erishildi. BuxDU Matbuot xizmati
