Bugun 15 iyul kuni qadrli ustoz bu yorugʼ olamni tark etdilar.А.А. Toʼlaganov 19 may 1957 yilda Toshkent viloyati Toshkent tumanida ziyoli oilada tavallud topdi. Dastlab 1964-1974 yillarda Toshkent tumanidagi 26-sonli umumtaʼlim maktabini “Oltin medal” bilan, 1974-1979 yillarda esa Toshkent politexnika institutining quruvchi muhandis-texnolog mutaxassisligini imtiyozli diplom bilan tugatgan.Texnika fanlari doktori, professor, Buxoro davlat universiteti rektori Аbduqobil Аbdunabievich Toʼlaganov nodir insoniy fazilatlarni oʼzida birdek mujassamlashtirgan zahmatkash olim, maʼnaviyati yuksak rahbar, inson sifatida kamtarinlik hamda odamiylikning ibratli namunasi edi.А.А. Toʼlaganov 450 dan ortiq ilmiy ishlar muallifi, tarjimon, 12 nafar fan nomzodi va magistrni tarbiyalab voyaga yetkazgan ilmiy rahbar, siyosiy jarayonlar faoli, Buxoro viloyat xalq kengashi deputati, ilgʼor tashabbuslar ijodkori, oʼz sohasining chuqur bilimdoni, oqil va kamtarin rahbar boʼlgan. А.А. Toʼlaganov oddiylik va kamtarinlikni, olimlik va odamiylikni umri davomida birdek saqlab kelayotgan inson edi. Olim va kuyunchak rahbarning qisqa, biroq zalvorli rektorligi davrida universitetimizda ilmiy maktablarni yangidan tiklash, zamonaviy oʼquv va axborot kommunikatsiya texnologiyalarini qoʼllagan holda xorijning ilgʼor tajribasi asosida taʼlim sifatini yuksaltirish kadrlar salohiyatini oshirish, universitet moddiy-texnik bazasini mustahkamlash magistrlar va katta ilmiy xodim, izlanuvchilarni maqsadli tayyorlash dasturlarini amalga tadbiq qilish kabi bisyor xayrli ishlar bajarildi.2014-2019 yillarda BuxDU rektori boʼlib ishladi. Buxoro davlat universiteti oʼquv binolarining sifatli kapital taʼmirdan chiqarilishi А.А. Toʼlaganov tomonidan doimiy nazorat qilindi, universitet faoliyatini modernizatsiyalash boʼyicha 2015-2025 yillarga moʼljallangan strategik kontseptual dastur ishlab chiqildi va amalga tadbiq qilinmoqda.А.А. Toʼlaganov Buxoro davlat universitetining 85 yillik yubileyini uyushtirish va oʼtkazish “meʼmori” va tashabbuskori, universitet huzuridagi laboratoriya muzey loyihasi asoschisi, tilsimli Buxoro tarixini yangidan oʼrganishga qaratilgan nazariy-kontseptual asosnoma ijodkori edilar Ustozning xotirasi qalbimizda abadiy yashaydi. Oxiratlari obod boʼlsin!
