O‘zbekiston Respublikasi Prezidentining 2019 yil 11 iyuldagi “Oliy va o‘rta maxsus ta’lim tizimiga boshqaruvning yangi tamoyillarini joriy etish chora-tadbirlari to‘g‘risida”gi PQ-4391-son qarorining 11 bandi “a” qismiga muvofiq, to‘lov-kontrakt asosida ta’lim olayotgan talabalar uchun kontrakt to‘lovlarini amalga oshirish muddatlari oliy ta’lim muassasasi rektori tomonidan belgilanishi qayd etilgan.Barchamizga ma’lumki, mamlakatimizda koronavirus pandemiyasi kirib kelishi munosabati bilan, 2020 – yil 16 – mart kunidan boshlab OTMlarida karantin e’lon qilindi xamda barcha OTMlari masofadan turib ishlash va masofaviy ta’lim rejimiga o‘tkazildi. Hozirgi kunda Moodle platformasida 2019/2020 o‘quv yilida o‘qitiladigan fanlardan 1500 dan ortiq kurslar yaratilgan bo‘lib, 890 nafar professor-o‘qituvchi kurslar faoliyatini yuritmoqda.Professor-o‘qituvchilarning masofaviy ta’lim platformasida o‘quv resurslarni yaratishi bo‘yicha, talabalarning masofaviy kurslardan foydalanishi yuzasidan yo‘riqnomalar ishlab chiqilgan, universitet rasmiy veb-sayti, ijtimoiy tarmoqdagi sahifalari orqali yetkazilgan. Joriy yilning 27 apreldagi holatga ko‘ra 13 645 ta foydalanuvchi, ko‘rishlar soni 391 274 tani tashkil etgan. Qolaversa, http://elib.buxdu.uz saytida talabalar foydalanishi uchun 180000 dan ortiq kitoblarning elektron shakllari, 100 dan ortiq videodarslar hamda 3000 dan ortiq audiodarslar joylashtirilgan. Bundan tashqari, buxdu.uz rasmiy veb-saytida kurslar kesimida elektron dars jadvallari ishlab chiqilgan. Yakuniy nazoratlarni belginlagan tartibda topshirish uchun http://qaydnoma.buxdu.uz BuxDU o‘quv jarayonini qo‘llab quvvatlash tizimi yo‘lga qo‘yilgan.Qolaversa, 2019/2020 o‘quv yilining bahorgi semestrida masofaviy ta’lim olishga imkoniyati yo‘q talabalarga qayta imkoniyat beriladi, ushbu darslarda qatnasha olmagan yoki uni o‘zlashtira olmagan talabalar kursdan-kursga qoldirilishi yoki talabalar safidan chetlashtirilishi mumkin emas. Internet yoki boshqa texnik sabab bilan qatnasha olmagan talabalarga iyul-avgust oylarida yoki 2020/2021 o‘quv yilida fanlarni o‘zlashtirishga qo‘shimcha imkoniyat beriladiShuni ta’kidlab o‘tish kerakki, universitetda faoliyat ko‘rsatayotgan professor-o‘qituvchilar va ishchi – xodimlarning o‘z vaqtida oylik maoshlarini to‘lab borish xamda siz aziz talabalarning stipendiya to‘lovlarini o‘z vaqtida to‘lab borish eng muxim vazifalar sirasiga kiradi. Shuning uchun sizlardan 2019-2020 o‘quv yilining bahorgi semestri uchun talabalarning kontrakt-to‘lovini 01.05.2020 gacha to‘lab berishda amaliy yordam ko‘rsatishingizni so‘raymiz. Davlatimiz tomonidan kontrakt to‘lovlarini to‘lashni yanada qulaylashtirish maqsadida to‘lovlarni mobil ilovalar orqali to‘lash imkoniyati yaratilganini eslatib o‘tamiz.
