Hozirgi zamon davr talabi, bu yoshlarni har tomonlama barkamol va etuk inson qilib tarbiyalash, bilim berish, ularning ijodiy iste’dodi va qobiliyatini ro’yobga chiqarish muhim vazifa hisoblanadi.Shu maqsadda, hamon karantin davri davom etayotganiga qaramay, Buxoro davlat universiteti jamoasi o`z faoliyatini ONLAYN rejimida to`xtovsiz davom ettirayotganligi, Moodle platformasi orqali mazmunli darslar o`tilishini yo`lga qo`ygani, biz talabalarni quvontiradi.Qolaversa, BuxDU ning Xorijiy tillar fakulteti dekani va professor-o‘qituvchilari tomonidan onlayn tarzda doimiy tashkil etilayotgan va o`tkazilib kelinayotgan turli viktorinalar, qiziqarli va ahamiyatli tanlovlar yoshlarning iste’dodlarini yuzaga chiqarish uchun undab, zamin yaratib, biz talabalarni xursand qilmoqda.Ushbu tanlovlar nafaqat o’zbek adabiyotining taniqli namoyondalari, balki jahon tillari va ularning adabiyotining buyuk siymolariga bag’ishlab o’tkazilishi quvonarli holdir.Eng yaxshi insho, eng yaxshi ertak yoki sonnet o‘quvchi, eng yaxshi hikoya o'quvchi, eng yaxshi rolik, eng yaxshi 5 ta tashabbus egasi kabi sovrinlarning e‘lon qilinishi biz talabalarni mazkur tanlovlarga faol qatnashiib onlayn diplom va sertifikatlarga ega bo`lish imkonini berdi. Har bir tanlov o’ziga xos tarzda o’tkazilib, talabalar o’zbek hamda jahon adabiyoti (A.Qodiriy, X.K.Andersen, V.Gugo, Sh.Perro, U.Shekspir ijodidan) durdonalari bilan yaqindan tanishdilar, bilimlarini yanada mustahkamlashdi.Har qanday holatlarga qaramay, talabalarning bilim olishi uchun qayg`urayotgan, ana shunday imkoniyatlarni yaratib kelayotgan universitetimiz rektori O.X.Xamidovga, yoshlar bilan ishlash bo`yicha prorektor O.M.Kadirovga, fakultetimiz dekani M.M.Jo`rayevaga, yoshlar bilan ishlash, ma’naviyat va ma’rifat bo`lim boshlig`i A.Jumayevga, shuningdek, barcha professor-o`qituvchilarimizga samimiy minnatdorchiligimizni bildiramiz. Xorijiy tillar fakulteti, 11-2 chi-19 guruh talabasi Axmedova Aziza