Bugun Аgronomiya va biotexnologiya fakulteti faollar zalida 1-bosqich Tuproqshunoslik yoʼnalishi talabalari tomonidan Z.M. Bobur va А. Navoiy hayoti va ijodiga bagʼishlangan tadbir oʼzaro bellashuv tarzida tashkillashtirildi. “Navoiy izdoshlari” va “Koʼhinur” jamoalari 5 ta shart asosida oʼzaro bellashishdi. Tadbirda hakamlar hayʼati tarkibida filologiya fanlari doktor, dotsent L. Sharipova, magistratura boʼlimi boshligʼi А. Toʼraev, Yoshlar bilan ishlash va maʼnaviyat-maʼrifat boʼlimi uslubshunoslari N. Аxmedova, Sh. Rajabovalar adolat mezonlari asosida baholab bordilar. Shartlarni bajarishda ayniqsa savol-javob, bahru-bayt va sahna koʼrinishi kabi shartlar barchaga birdek manzur boʼldi. Qizgʼin oʼtgan bellashuvda Koʼhinur guruhi gʼoliblikni qoʼlga kiritdi. Tadbir soʼngida talabalar fakultet rahbariyati tomonidan Z.M. Bobur va А. Navoiy ijodiga oid badiiy kitoblar bilan taqdirlanishdi.