Oʼzbekiston Respublikasi Prezidenti tomonidan ilgari surilgan 5 ta ijobiy tashabbusni hayotga tatbiq etish, shu bilan birga yoshlarni vatanparvarlik ruhida tarbiyalash, intelektual salohiyatini oshirish, ularning oʼz iqtidorlarini namoyish etishlariga imkoniyat yaratish, yurtga munosib farzand boʼlib yetishtirish maqsadida Buxoro viloyat prokuraturasi, Buxoro davlat universiteti, Xalq taʼlimi hamda Buxoro shahridagi 32-mehribonlik uyi tarbiyalanuvchilari ishtirokida Buxoro viloyat musiqali drama teatrida oʼzbek adabiyotining ikki buyuk siymosi Аlisher Navoiy va Z.M. Boburning tavallud kunlari munosabati bilan maʼnaviy-maʼrifiy kontsert dasturi oʼtkazildi. Tadbirda Mehribonlik uyining bilimli, isteʼdodli, kitobxon oʼquvchilari teatr ijodkorlari bilan birgalikda sahna koʼrinishlari namoyish etishdi. Buyuk bobokalonlarimizning gʼazal va ruboiylaridan ijro etishdi. Tadbirda BuxDUning Oʼzbek adabiyoti kafedrasi dotsenti H.P. Eshonqulov hamda oʼqituvchi G.R. Xodjieva ishtirok etishdi. Oʼzbek adabiyoti kafedrasi dotsenti H.P. Eshonqulov Аlisher Navoiy va Z.M. Boburning oʼzbek adabiyotidagi oʼrni haqida maʼruza qildi. Tadbir soʼngida viloyat prokurori oʼrinbosari E.E. Аxmedjanov Mehribonlik uyi tarbiyalanuvchilari oʼrtasida oʼtkazilgan “Eng yaxshi kitoxon” tanlovida faol ishtirok etganlarni tadbirda qimmatbaho sovgʼalar bilan taqdirladi.
