BuxDU Xorijiy tillar fakulteti Ingliz adabiyoti kafedrasi tashabbusi bilan Buxoro davlat universitetida yana bir markaz o`z faoliyatini boshladi. Hindiston madaniyat markazining ochilish marosimini Buxoro davlat universiteti rektori O.X. Xamidov va Lal Baxadur Shastri nomidagi Hindiston madaniyat markazi direktori doktor Ch. Shekxar tabrik sO`zi bilan ochib berdi. Shuni taʼkidlash joizki, BuxDU rektori O.X. Xamidov Ingliz adabiyoti kafedrasi tomonidan amalga oshirilgan ushbu ezgu tashabbus bilan chin dildan muborakbod etib, kelajakdagi O`zbekiston-Hindiston o`rtasidagi aloqalar yanada yuksalishini tiladi. Shuningdek, Lal Baxadur Shastri nomidagi Hindiston madaniyat markazi direktori Ch. Shekxar janoblari ham iliq so`zlar uchun chuqur minnatdorchilik bildirib, O`zbekiston-Hindiston o`rtasidagi aloqalari bardavom bo`lishini tiladi. Ochilish marosimi davomida BuxDU Xorijiy tillar fakulteti Xorijiy til va adabiyoti (ingliz tili) taʼlim yo`nalishi talabalari tomonidan ajoyib hind raqsi namoyishini taqdim etishdi. Tadbir so`nggida Ingliz adabiyoti kafedrasi mudiri X.U. Yusupova BuxDU rektori O.X. Xamidovga va Hindiston madaniyat markazi direktori Ch. Shekxarga Buxoro davlat universitet huzurida Hindiston madaniyat markazi ochilish marosimiga tashrif buyurganlari uchun minnatdorchilik izhor etdi. Buxoro davlat universiteti Matbuot xizmati
