Bugungi kunda Buxoro davlat universiteti tasarrufida oʼndan ortiq umumiy ovqatlanish obʼektlari mavjud boʼlib, ularning barchasi universitet hisobidan taʼmirlanib, zarur moddiy baza bilan jihozlangan. Universitet bosh binosi hududida joylashgan ikki qavatli oshxona 2013 yilda viloyatda oʼtkazilgan Universiada musobaqalarini tashkillashtirish jarayonida sobiq markaziy Аxborot resurslari markazini qayta rekonstruktsiya qilish orqali tashkillashtirilgan. Oshxona yon tomonidan esa boʼsh maydonda yozgi choyxona qurilgan. Universitet boshqa umumiy ovqatlanish obyektlari esa 2016-2018 yillar davomida universitetda amalga oshirilgan kapital taʼmirlash jarayonlarida qayta tashkillashtirilgan.Tezkor suratlar bilan rivojlanayotgan bozor iqtisodiyoti sharoitida ochiq iqtisodiyotni taʼminlash maqsadida Vazirlar Mahkamasining 2018 yil 16 iyundagi 454-son qaroriga ilova sifatida Davlat mulki obyektlarini sotish va davlat mulkini ijaraga berish boʼyicha elektron savdolar oʼtkazish tartibi toʼgʼrisida nizom qabul qilingan. Shuningdek davlat mulkini ijaraga berish borasida asosiy hujjat Vazirlar Mahkamasining 2009 yil 8 apreldagi 102-son qarori ilovasidagi Davlat mulkini ijaraga berish tartibi toʼgʼrisida nizom hisoblanadi. Ushbu nizomning 25-bandida shunday tartib keltiriladi:25. Tuzilgan ijara shartnomasi shartlariga muvofiq balansda saqlovchi ijaraga beruvchi ishtirokida davlat mulkini shartnoma shartlariga va davlat mulkining moʼljallangan maqsadiga muvofiq holatda ijaraga oluvchiga berishi, ijaraga oluvchi esa ijara muddati tugagach yoki ijara shartnomasi muddatidan oldin bekor qilinganda, haqiqiy emas deb hisoblanganda balansda saqlovchiga qaytarishi shart.26. Davlat mulki unga tegishli boʼlgan barcha buyumlar va unga taalluqli boʼlgan texnik hujjatlar bilan birga ijaraga oluvchiga beriladi va uning tomonidan qaytariladi.Buxoro davlat universiteti umumiy ovqatlanish shaxobchalari bilan 2019 yil uchun tuzilgan ijara shartnomalari amal qilish muddati 31 dekabrgacha deb belgilangan. Potrebitel Buxara plyus telegramm kanalida taʼkidlangan “безхозные” soʼzi oʼzbek tilida “egasiz” degan maʼnoni anglatadi. Bu borada savol tugʼiladi: Ijara obyekti kimga tegishli? Barcha byudjet tashkilotlari tasarrufidagi obyektlar davlatga tegishli boʼlib, ijarachi maʼlum muddatda faqat undan foydalanish huquqiga ega. Bundan tashqari shartnoma 4.3 bandida Ijaraga oluvchi majburiyatlari va 4.4 bandida Balansda saqlovchi huquqlari ham koʼrsatib oʼtilgan boʼlib, unda toʼlovlar oʼz vaqtida amalga oshirilishi aniq kilib yozib qoʼyilgan. Bunda tashqari shartnomaning 6.6 va 6.7 bandlarida shartnomada koʼrsatilgan majburiyatlar bajarilmasligi jiddiy xatolik hisoblanishi va moddiy javobgarlikka tortilishi holati ham kelishilgan.Buxoro davlat universiteti maʼmuriyati umumiy ovqatlantirish shaxobchalari boʼyicha 2019 yilda bir necha marotaba oʼrganishlar olib bordi. Hattoki universitet rektori O.Xamidov tashabbusi bilan ular uchun Sanepidemiologikstansiya masʼullari tomonidan seminar-treninglar oʼtkazildi. Universitet oshxonalarida bepul Wi-Fi zonalarini tashkillashtirish, ovqatlanish zalida ovqat hidini bartaraf etish, kommunal toʼlovlarlar boʼyicha qarzdorlikni oʼz vaqtida toʼlab borish, obyektda tozalik va xavfsizlik boʼyicha normativlarga amal qilish, taomlar kalkulyatsiyasini ishlab chiqib universitet maʼmuriyati bilan kelishish boʼyicha bir necha marotaba tushuntirish ishlari olib borildi. Biroq ushbu say-harakatlarga qaramay universitet aksariyat umumiy ovqatlantirish shahobcharida ahvol yaxshilanganligi kuzatilmadi.Ijarachi tashkilotlar tomonidan obyektlarda olib borilayotgan xavfsizlik va tozalik chora-tadbirlari va shanbaliklar toʼgʼrisida, shuningdek taomlar narx kalkulyatsiyasi va joriy holatni yaxshilash borasida biror marotaba maʼlumot bildirilmagan. Ovqatlanish zalida hamon ovqat hidi juda sezilarli, shuningdek ijarachilar tomonidan bugungi kunda mavjud 30 mln soʼmdan ortiq elektr energiyasidan qarzdorlik soʼndirilmagan. Yuqoridagi kamchiliklar boʼyicha universitet rahbariyati ijarachilarga hech qachon tazyiq oʼtkazmagan va vakolatli organlarga murojaat etmagan.Buxoro davlat universiteti maʼmuriyati bugungi kunda muassasadagi umumiy ovqatlanish korxonalari faoliyatini qoniqarli baholadi. Biroq katta oʼzgarishlar va rivojlanish davrida har qanday tashkilot oʼz faoliyatini aʼlo darajaga koʼtarishi lozim. Shu bois maʼmuriyat ochiq iqtisodiyotni va barcha tadbirkorlar uchun teng shartlar va raqobat muhitini yaratish, universitet infrastrukturasini yanada yaxshilash maqsadida obyektlarni e-auksion.uz sayti orqali ochiq auktsionda ijaraga berishga qaror qildi. Biroq ijara minimal tariflari tasdiqlanishi kechiktirilganligi va bu jarayon uzoq muddat davom etishini inobatga olgan holda oʼquv jarayonida muammolar vujudga kelmasligi uchun ijarachilar bilan joriy kamchiliklar tuzatilishi va ahvol yaxshilanishi sharti bilan ijara muddatini maʼlum muddatga uzaytirdi. Biz bugun demokratik fuqarolik jamiyatida yashayapmiz. Ommaviy axborot vositalari norasmiy toʼrtinchi hokimiyat deb ataladi. Ular orasida blogerlar va ijtimoiy tarmoqlar bugungi kunda alohida ahamiyat kasb etadi. Ular tomonidan tanqidiy qarashlar kamchiliklarni koʼrish va tuzatishga imkon yaratadi. Universitetimiz barcha OАV vakillari bilan hamkorlikda ish olib borishga tayyor.Buxoro davlat universiteti Matbuot xizmati
