O`zbekiston Respublikasi Oliy Atesstatsiya Komissiyasi Rayosatining joriy yil 30-yanvardagi 275/4-son qarori bilan Buxoro davlat universitetiga ilk marotaba "Davlat va jamiyat qurilishi tizimini takomillashtirish, qonun ustuvorligi, iqtisodiyotni rivojlantirish va liberallashtirish, ijtimoiy rivojlantirishning ilmiy asoslari va amaliy yo`nalishlari" bo`yicha barcha ilmiy darajaga ega ilmiy-xodimlarni dotsentlik va professorlik ilmiy unvonini olish uchun OAK tomonidan talabgorlariga maxsus imtihonlar tashkil etishga ruxsat berildi. Shunga asosan universitetning 17 nafar pedagog-xodimlari, prorektorlar,fakultet dekanlari, kafedra mudirlari ilmiy unvon olish uchun imtihon jarayonida ishtirok etdilar. Ta`kidlash joizki, bu ilmiy unvonni olish uchun imtihonlarni o`tkazish huquqi birinchi marotaba Buxoro davlat universitetiga berildi. Oldingi yillarga nazar tashlaydigan bo`lsak, bu kabi ilmiy unvonni olish uchun o`tkaziladigan imtihonlar faqat Samarqand davlat universitetida topshirilishi mumkin edi.
