Kuni kecha Buxoro davlat universiteti rektori O.X. Xamidov bir guruh talaba-yoshlar bilan uchrashdilar. Uchrashuvda universitet rektori hozirgi kunda Prezidentimiz tomonlaridan o`z biznesini va start up loyihasini boshlash niyatida bo`lgan yoshlar uchun mablag`lar ajratilganligini, start up loyihalariga bo`lgan talab va uning O`zbekiston iqtisodiyotida o`rni haqida ta`kidlab o`tdilar. Shuningdek, rektor o`z so`zlari davomida talabalarga start upning o`zi nimaligi va uni qaysi sohalarda qo`llanilishi haqida, bu borada universitet tomonidan qator ishlar qilinayotganligi va talabalarning bu bo`yicha faollik ko`rsatishlarini so`rab qoldilar. Xo`sh, shu o`rinda savol tug`iladi. Start up o`zi nima? "Start up" yoki "start up kompaniya" tushunchasi (inglizcha, "start-up") — bu, yangi ishga tushirilgan, rivojlanishning dastlabki bosqichlarida yurgan hamda bozorga asta-sekinlik bilan kirib borayotgan biznesni anglatadi. Va bu biznes turi jahon iqtisodiyotiga salmoqli o`rinda turadi. Start uplar o`zining tejamkorligi va aholini qiziqtirgan soha bo`yicha faoliyat yuritishi bilan ajralib turadi. Hozirda O`zbekiston banklari start up loyihalar uchun 5 mlndan 50 mlrd so`mgacha mablag` ajratmoqda. Bunda albatta, loyihaning yangiligi, so`ralgan sohaga iqtisodiy foyda bera olish darajasi va kamxarjligiga e`tibor qaratiladi. Start uplar bu sizning imkoniyatingiz, mehnatingiz va yangicha g`oyalaringiz mahsulidir. Buyuk biznesmenlar aytganidek, katta bizneslar – kichik start uplardan boshlanadi. Buxoro davlat universiteti Matbuot xizmati xodimi Javohir Saidov