2020-yil 3-4-mart kunlari Oʼzbekiston Yoshlar Ittifoqi Press Klubida "Startap tashabbuslar" dasturining soʼnggi 4-bosqichi oʼtkazildi. Dasturda 27 ta innovatsion gʼoya egalari qatnashishdi. Ular sunʼiy idrokdan foydalanish, turizm xizmatlarini koʼrsatish, bandlikka koʼmaklashish va yana koʼplab sohalarda asqotuvchi gʼoyalar bilan qatnashdilar. Quvonarlisi shuki, 27 ta innovatsion gʼoya egalaridan biri boʼlgan Buxoro Davlat Universiteti fizika-matematika fakulteti ikkinchi kurs talabasi Sharifov Ravshanbek ham ushbu dasturda oʼz loyihasi bilan ishtirok etdi. Sharifov Ravshanbek axborot texnologiyalaridan foydalanib turizm xizmatlarini rivojlantirish loyihasi bilan dasturning final bosqichida muvaffaqiyatli qatnashib, dastur tashkilotchilaridan boʼlgan Oʼzbekiston yoshlar ittifoqi markaziy kengashi raisi Аlisher Saʼdullaev va BMTTD ning Oʼzbekistondagi doimiy vakili Matilda Dimovskalar tomonidan maxsus sertifikat bilan taqdirlandi.Buxoro davlat universiteti Matbuot xizmati
