Kuni kecha Buxoro davlat universiteti Xorijiy tillar fakulteti Ingliz adabiyoti kafedrasi o`qituvchi va talabalari tomonidan Buxoro shahar 2-maktabda "Family album" mavzusida sayyor dars tashkil etildi. O'quvchilar va talabalar ishtirokida tashkil etilgan dars ingliz tilida amalga oshirilib, bunda maktab ingliz tili o’qituvchilari ham faol ishtirok etishdi. Kichik guruhlarga bo’lingan holda talabalar va o’quvchilar berilgan vazifalarini galma-galdan taqdimot tariqasida ko’rsatib berishdi. Bundan tashqari, darsda Amerikadan tashrif buyurgan va Xorijiy tillar fakultetida vaqtinchalik faoliyat ko’rsatayatgan ko’ngilli o’qituvchi Lynn Zimmerman ham qatnashdi va o’z fikrlarini bayon etdi. Ingliz va o’zbek oilalari turlari va yashash sharoitlarini taqqoslagan sahna ko’rinishlari ham dars davomida namoyish etildi. Dars so’ngida talabalar va o’quvchilar o’rgangan bilimlarini xulosalab, oila jamiyatda eng muhim bo'g'in ekanligini aytishdi.
