Bugun Buxoro shahrining Abu Ali Ibn Sino nomidagi favvoralar maydonidan Ark qo'rg'onigacha "Yangi yil shukuhi" shiori ostida Buxoro viloyat hokimligi, Buxoro shahar hokimligi, viloyat tashkilotlari, Buxoro davlat universiteti, Buxoro davlat tibbiyot instituti, Toshkent irrigatsiya va qishloq xo'jaligini mexanizatsiyalash muhandislari institutining Buxoro filiali, Buxoro muhandislik-texnika instituti talaba yoshlari hamda professor-o'qituvchilari hamda Buxoro shahar kollej va litsey o'quvchilari ishtirokida qorbobo va qorqizlar paradi o'tkazildi. "Yangi yil shukuhi" shiori ostidagi tadbirni Viloyat hokimining yoshlar siyosati, ijtimoiy rivojlantirish va ma'naviy-ma'rifiy ishlar bo'yicha o'rinbosari J.Sh. Nosirov kirish so'zi bilan ochib berdi. So'ngra yangi yil paradi ishtirokchilari Ark qo'rg'oni tomon yo'l olishdi. Yangi yil paradi ko'tarinki kayfiyatda o'tdi.Buxoro davlat universiteti Matbuot kotibi Otabek Jalolov
