Mamlakatimizda korrupsiyaga qarshi keskin va murosasiz kurash olib borilmoqda. Xususan, “Korrupsiyaga qarshi kurashish to‘g‘risida”gi Qonunning qabul qilinishi, shuningdek Korrupsiyaga qarshi kurashish bo‘yicha respublika idoralararo komissiyasining tashkil etilishi va korrupsiyaga qarshi kurashish bo‘yicha Davlat dasturining tasdiqlanishi yurtimizda korrupsiya bilan bog‘liq huquqbuzarliklarning oldini olishga qaratilgan qator chora-tadbirlarni samarali amalga oshirilishini ta'minladi. Misol uchun, qisqa vaqt ichida korrupsiyaga qarshi kurashishning huquqiy mexanizmlarini takomillashtirishga oid beshta normativ-huquqiy hujjat, shu jumladan, “Huquqiy axborotni tarqatish va undan foydalanishni ta'minlash to‘g‘risida”gi, “Ma'muriy tartib-taomillar to‘g‘risida”gi, “Jamoatchilik nazorati to‘g‘risida”gi, “Davlat xaridlari to‘g‘risida”gi qonunlar qabul qilindi.Mazkur mavzuga bag‘ishlangan tadbirlardan yana biri joriy yilning 7 fevral' kuni Buxoro davlat universitetining katta yig‘ingohida bo‘lib o‘tdi. Tadbir viloyat Davlat xavfsizlik xizmati xodimlari B.Nishonov, E.Xamidov bilan hamkorlikda tashkil etilib, unda universitet ma'muriyati, barcha fakul'tet dekanlari, dekan o‘rinbosarlari, kafedra mudirlari, professor-o‘qituvchilar ishtirok etdilar. Tadbirda oliy ta'lim tizimida korrupsiyani oldini olish, “Korrupsiyasiz soha” loyihasini amalga oshirish bosh mavzulardan biri bo‘ldi. Muhtaram Prezidentimizning tashabbuslarini qo‘llab quvvatlagan holda ilm-fan va ma'rifatga katta e'tibor qaratishi lozimligini alohida e'tirof etganlarini, buyuk mutafakkirlar, olimu ulamolar yetishib chiqib yurtimizni butun jahonga tanitish, ta'lim tizimini shaffof hamda oshkora yo‘lga qo‘yishga qo‘lni qo‘lga berib faoliyat yuritishni barcha ishtirokchilar o‘ziga maqsad qilib tugdi. Tadbir ma'ruzachilari Yoshlar bilan ishlash bo‘yicha prorektor A.M.Kadirov, Xodimlar va talabalar kasaba uyushmasi qo‘mitasi raisi S.S.Qahhorov ham o‘z nutqida universitet rektori O.X.Xamidov bu borada ishonch telefonlari orqali salbiy holatlardan xabardor bo‘layotganliklari, oilamiz, farzandlarimizni hushyor bo‘lgan holda tarbiyalab, bunday illatdan holi holda ulg‘aytirishimiz eng katta boyligimiz ekanligi, jamoamiz vakillarini ham bu borada ogohlantirib, loqayd bo‘lmasdan, to‘g‘ri yo‘lga boshlashimiz davr talabi ekanligi to‘g‘risida gapirib o‘tdilar. Tadbir davomida Davlat xavfsizlik xizmati xodimlari tomonidan oliy ta'lim tizimida korrupsion holatlar bo‘yicha sodir etilgan jinoyatlar tafsilotlarini qamrab olgan videorolik namoyish etildi.Darhaqiqat, jamiyatda korrupsiyaga nisbatan murosasiz munosabatni shakllantirish bugungi kunda nihoyatda dolzarb masala bo‘lib, bu borada nafaqat mas'ul idoralar, balki keng jamoatchilik ham hamjihat va hamfikr bo‘lmog‘i maqsadga muvofiqdir. Shundan kelib chiqib, qaerdadir ta'magirlik, poraxo‘rlik holatlariga duch kelsak, har birimiz bu noxush hodisaga nisbatan befarq bo‘lmasligimiz, loqaydlik qilmasligimiz, aksincha, korrupsiya illatini tag tomiri bilan quritishga qaratilgan sa'y-harakatlarni vijdonan bajarishga kirishmog‘imiz burch va mas'uliyatimizga aylanmog‘i darkor. Boshqacha ifodalaganda, adolatsizlikka nisbatan murosasiz bo‘lishni o‘zimizdan boshlashimiz zarur. Zero, bu borada har bir fuqaroning huquqi qonuniy asosda qat'iy kafolatlangan.Yoshlar bilan ishlash, ma'naviyat va ma'rifat bo‘limi uslubshunosi Sh.E.RadjabovaBuxoro davlat universiteti Matbuot kotibi Otabek Jalolov
