Buxoro davlat universitetida f.-m.f.n., dots. T.H. Rasulov rahbarlik qilayotgan Matematika kafedrasi jamoasi tomonidan xo’jalik shartnomasi asosida abituriyentlar uchun sinov testlari o’tkazildi. Ekspertlar tomonidan tuzilgan test topshiriqlari 105 ta savoldan iborat bo’lib, ona-tili, matematika va O’zbekiston tarixi majburiy fanlaridan 15 tadan 1-darajali hamda ta’lim yo’nalishiga mos 2 ta fandan esa standart 30 tadan savolni o’z ichiga olgan.Sinovda qatnashgan abituriyentlar BuxDUda talabalar o’qishi uchun yaratilgan sharoitlar haqida dastlabki taasurotlarga ega bo’lib qaytdilar. Natijalar test tugaganidan 2 soat o’tib maxsus telegram kanalida e’lon qilindi. Ishtirokchilar orasidan eng iqtidorlilari kelajakda BuxDU talabalari bo’lishiga umid qilib qolamiz.
