Buxoro davlat universiteti oʼzbek tilshunosligi kafedrasi huzurida 10.00.01 – Oʼzbek tili, 10.00.11 – Til nazariyasi ixtisosliklarida filologiya fanlari boʼyicha doktorlik (DSc) va falsafa doktori (PhD) dissertatsiyalari muhokamasi uchun tashkil etilgan ilmiy seminar (№ 922-U. 01 dekabr 2018)ning 2019 yil 9 dekabrda boʼlib oʼtgan 13-yigʼilishida Berdaq nomidagi Qoraqalpoq davlat universiteti mustaqil tadqiqotchisi Аbishov Genjebay Matjanovich tomonidan taqdim etilgan «Chimboy tumani toponimlarining tarixiy-lingvistik tahlili» mavzusidagi 10.00.03 – Qoraqalpoq tili ixtisosligida filologiya fanlari boʼyicha falsafa doktori (PhD) ilmiy darajasini olish uchun yozilgan dissertatsiyasiga yetakchi tashkilotdan tashqi taqriz uchun ilmiy seminar boʼlib oʼtdi.Seminarda f.f.d. D. Rajabov (seminar raisi), f.f.f.d. (PhD) Sh. Hamroeva (seminar kotibi), f.f.d., prof. M. Аbuzalova, f.f.n., dots. А. Аhmedov (kafedra mudiri), f.f.n., dots. H. Eshonqulov, f.f.d., dots. Yo. Saidov, f.f.n., dots. B. Joʼraeva, f.f.n., dots. B. Qilichev, p.f.n., dots. D. Yoʼldosheva, f.f.n., dots. G. Аstanova, f.f.n., dots. T. Аsadov, f.f.d. (PhD) G. Toirova, f.f.d. (PhD) D. Toshova, kafedra oʼqituvchilari D. Sobirova, M. Hojieva, U. Аxmadova, Sh. Yoqubova, dissertant G. Аbishov, tayanch doktorant Sh. Gulyamova va magistrlar ishtirok etishdi.«Chimboy tumani toponimlarining tarixiy-lingvistik tahlili» deb nomlangan dissertatsiya kirish, uch asosiy bob, xulosa, foydalanilgan adabiyotlar roʼyxati, ilovadan iborat boʼlib, tuman toponimlarini yigʼish, ularning leksik-semantik xususiyatlari va grammatik tuzilishini tasniflash; toponimlarning nomlanishidagi etnolingvistik, tabiiy-geografik, ijtimoiy-iqtisodiy tamoyillarini aniqlash; toponimlarning yasalish usullari, grammatik tarkibi va struktural modellarini koʼrsatish; joy nomlari tarkibidagi indikatorlarning funktsional-semantik, toponim hosil qilish xususiyatlarini belgilash; tuman toponimlarini boshqa joylardagi joy nomlari bilan qiyosiy oʼrganish orqali Qoraqalpogʼiston toponimiyasida tutgan oʼrnini aniqlashdan kabi vazifalarni bajarishga qaratilgan. Ilmiy seminar muzokara va muhokamaga boy tarzda oʼtdi.Fotolavhalar:
