Tabiat tirik jonlarning onasi. U insoniyatni kiyintiradi, oziq – ovqat bilan taminlaydi, nafas olish uchun kerak bo`lgan toza havoni yetkazib beradi. Bu ko`rkam serhosil nabobot olami dilga huzur bag`ishlaydigan, tarovatli bog`u rog`lari, ko`kni suyab turgandek azim tog`lari, bag`ri keng vodiylari, turfa rangli chamanlari bilan go`zal.Inson ekologiyasi – insonni atrof - muhitga va aksincha, muhitning insonga ta’sirini o`rganadi. Erga, suvga, hayvonlar va o`simlikka bo`lgan munosabatimizni tiklashimiz orqaligina Ona tabiatimizni asrab qolishimiz mumkin. Atrof-muhit xavfsizligi aholi salomatligini saqlashning asosiy omili xisoblanadi. SHu munosabat bilan yoshlarda ona tabiatga muhabbat uyg`otmoq, tabiatga bo`lgan munosabat o`z salomatligimizga katta ta’sir ko`rsatishi haqida 2014 yil 16 dekabr Ma’naviyat va ma’rifat bo`limi, Jismoniy tarbiya fakulteti, Bux DU «Ibn Sino salomatlik maskani» ma’rifat markazi, Viloyat salomatlik va tibbiy statistika instituti hamkorligida davra suhbati o`tkazildi. Tadbirda talabalarga mutaxassislarimiz tomonidan kerakli tavsiyalar berib o`tildi. Ma’naviyat va ma’rifat bo`limi
