11.01.2022

Bugun 10 dekabr sanasida Buxoro davlat universiteti Tarix va madaniy meros fakulteti Buxoro tarixi kafedrasi tashabbusi bilan Buxoro viloyat Abu Ali ibn Sino nomidagi Axborot-resurs markazida "Gulla yashna hur va serquyoshli jonajon yurtim, O`zbekistonim" shiori ostida O`zbekiston Respublikasi Davlat madhiyasining qabul qilinganligiga 27 yil to`lganligi munosabati bilan bayram tadbiri tashkil etildi.Tadbirda Buxoro tarixi kafedrasi mudiri v.b F.U. Temirov, kafedra o`qituvchilari G.B. To`rayeva, magistrantlar, fakultetning Buxoro tarixi, Milliy g`oya va huquq asoslari, Tarix (mamlakatlar va mintaqalar, rus tilida) yo`nalishi talabalari, axborot-resurs markazi xodimlari va maktab o`quvchilari ishtirok etdilar. Tadbirni Buxoro tarixi kafedrasi o`qituvchisi G.B. To`rayeva nutq so`zi bilan ochib berdi. Axborot-resursi markazi direktori tomonidan bildirilgan fikrlar esa tadbir ishtirokchilariga o`zgacha ruh bag`ishladi. Tadbirda O`zbekiston Respublikasi Davlat madhiyasi qabul qilinish jarayonlari, uning tarixi, buxorolik milliy madhiyamiz bastakori Mutavvakil Burxonov (1916-2002) ning shonli xotirasi va u bilan bog`liq bo`lgan qiziq voqealar yuzasidan ma`ruzalar eshitildi. Ochiq holda o`tgan tadbirda iqtidorli talabalarning vatan haqidagi she`rlarni ma`romida yetkazganligi tadbirga o`zgacha ahamiyat kasb etdi. Bu kabi qilinayotgan ishlar bevosita o`z samrasini berishiga ishonamiz. Zero, mamlakatimiz bugungi kunda milliy tiklanishdan - milliy yuksalish sari dadil qadam qo`yayotgan zamonda jahon hamjamiyatida O`zbekiston davlat ramzlari dunyo brendiga aylanishiga umidvormiz. Biz buyuk va shonli  kelajakni birga quramiz.   Buxoro davlat universiteti matbuot ximati xodimi: Javohir Saidov