Joriy yil 29-noyabr kuni Innovatsion rivojlanish vaziri oʼrinbosari O. Toʼychiev rahbarligida oliy taʼlim muassasalarining hududlar kesimida ilmiy ishlar va innovatsiyalar boʼyicha prorektorlar ish faoliyatini muvofiqlashtiruvchi koordinatorlar ishtirokida davra suhbati tashkil etildi. Davra suhbatiga vazirning Germaniyalik yuqori martabali maslahatchisi Karsten Xaynts ham taklif etildi.Suhbat davomida vazir oʼrinbosari O. Toʼychiev tomonidan prorektorlarga 2019 yilda amalga oshirilgan va 2020 yilda rejalashtirilgan ishlar toʼgʼrisida toʼxtalib oʼtdi. Oliy oʼquv yurtidan keyingi taʼlim tizimi boʼyicha ishlar tahlil qilindi va kelgusi reja-topshiriqlar belgilab berildi. Shuningdek, vazir yuqori martabali maslahatchisi K.Xaynts Germaniya Federativ Respublikasidagi ilmiy-tadqiqot va oliy taʼlim muassasalarining ilmiy-innovatsion faoliyati haqida tanishtirdi va oʼz tavsiyalarini berib oʼtdi.Suhbat yakunida, prorektorlar tomonidan tajriba almashish va oʼzaro hamkorlikni yanada yaxshilash maqsadida har oyda bitta hududda ilm-fan, taʼlim va ishlab chiqarishni integratsiya qilish masalalariga mavzusida ilmiy-amaliy anjumanlar oʼtkazish taklifi ilgari surildi va maʼqullandi.
