Buxoro davlat universitetida huquqiy bilimlarini oshirish maqsadida soha mutaxassisllari ishtirokida suhbatlar oʼtkazish anʼanaga aylangan. “Korruptsiyaga qarshi kurashish” mavzusi ham shular sirasiga kiradi. Mamlakatimizda nafaqat taʼlim sohasida balki barcha sohalarda korruptsiyaning tomir otib borishi, tag tubi bilan yoʼq qilishga qaratilgan mustahkam huquqiy baza va tizimli amaliyot shakllandi. Yurtimizda mazkur muammoning dolzarbligi his etilib, davlat rahbariyati tomonidan bir qancha qarorlar qabul qilingan.Bu bilan bevosita va bilvosita shugʼullanuvchi tashkilotlar faoliyat yuritmoqda. Chunki korruptsiya keltiradigan zarar barcha davlatlar uchun teng. Korruptsiya davlatning turli tuzilmalariga, jumladan, soliq tizimiga, ijtimoiy sohadagi islohotlarga ham salbiy taʼsir koʼrsatadi. Milliy qonunchiligimizda korruptsiyaning turli yoʼnalishlariga qarshi kurashga yoʼnaltirilgan normalar mustahkamlangan. Jumladan, pora olish yoki berish, unga vositachilik qilish, hokimiyat yoki mansab vakolatini suiisteʼmol qilish, mansab soxtakorligi kabi jinoyatlar uchun jinoiy javobgarlik belgilangan. Bunday muhim masalarga oid davra suhbatlari, uchrashuvlar, koʼrik-tanlovlar talabalarning huquqiy ong, huquqiy madaniyat, huquqiy savodxonligini oshirish maqsadida oʼtkazilishi bugungi kunda maqsadga muvofiq. Аna shunday mazmundagi navbatdagi tadbirlardan biri universitetda “9 dekabr-Xalqaro korruptsiyaga qarshi kurashish kuni” munosabati bilan “Yoshlar Vatan xizmatida rostgoʼylik va qonunlarni hurmat qilish tarafdori” mavzusida “Eng yaxshi plakat” “Eng yaxshi surat” nominatsiyalari boʼyicha tanlovning oʼtkazilishidir. Tanlovda xohish-istak bildirgan barcha fakultet talabalari ishtirok etib, ularning ijodiy ishlari universitetning bosh binosining foyesida hamda Talabalar turar joyida koʼrgazma shaklida tashkil etildi. Talabalarning eng sara ijodiy ishlari Korruptsiyaga qarshi kurashish boʼyicha Respublika idoralararo komissiyasiga taqdim etiladi. Bundan tashqari “Oʼzbekiston samarali, hisob beruvchi va shaffof institutlari orqali korruptsiyaga qarshi kurashish” loyihasi doirasida anʼanaviy tarzda oʼtkazib kelinayotgan yoshlarda korruptsiya va boshqa huquqbuzarliklarga qarshi murosasizlik tuygʼusini shakllantirishga qaratilgan insholar tanlovi universitetning barcha fakultet talabalari orasida oʼtkazildi. Gʼoliblar Bosh prokuratura, Аdliya vazirligi, Oʼzbekiston Yoshlar ittifoqi tomonidan taqdirlanadi. Buxoro davlat universiteti matbuot xizmati xodimi: Saidov Javohir