Buxoro davlat universiteti Maktabgacha va boshlang'ich ta'lim fakulteti 14-1BTU-19 guruh amaliyotchi talabalari va Buxoro shahar 17-umumta`lim maktabi ustoz va o`quvchi yoshlari hamkorligida tashkil qilingan ”Kitobdan taralar xazinayi nur” nomli tadbir tashkil etdilar.Yaqin o’tgan kunlarda milliy ramzlarimizdan biri bo’lgan bayrog’imiz qabul qilinganining 28 yilligini yurtimiz bo’ylab keng nishonladik. Shu munosabat bilan maktab boshlang`ich sinf o`quvchilari ijrosida yangragan she`r va qo`shiqlar, jozibali raqslar tadbirga o`zgacha shukuh bag`ishladi. Ayniqsa, 3”v” sinf o`quvchilarining bayroq haqida bergan ma`lumotlari, 1”D” sinf bolajonlarining sho`x raqslari menga ma`qul bo`ldi. Boshlang`ich ta`lim kafedrasi mudiri, dotsent, PhD M.Y.Ro`ziyeva: Muhtaram Prezidentimiz Sh.M.Mirziyoyev yoshlarga keng imkoniyatlar,shu jumladan, 5 muhim tashabbus joriy etdilar. 1-tashabbus Yoshlarning musiqa, rassomlik, adabiyot, teatr va san’atning boshqa turlariga qiziqishlarini oshirishga, iste’dodlarini yuzaga chiqarishga yordam beradi. 2-tashabbus Yoshlarni jismoniy chiniqtirish, sport sohasida qobiliyatini namoyon qilishlari uchun zarur sharoitlar yaratishga yo’naltirilgan . 3-tashabbus aholi va yoshlar o’rtasida kompyuter texnologiyalari va internetdan samarali foydalanishni tashkil etishga qaratilgan. 4-tashabbus yoshlar ma’naviyatini yuksaltirish, ular o’rtasida kitobxonlikni keng targ’ib qilish bo’yicha tizimli ishlarni tashkil etishga yo’naltirilgan. 5-tashabbus xotin-qizlarni ish bilan ta’minlash masalalarini nazarda tutadi. Bu jihatdan 17-umumta`lim maktabida ham tizimli ishlar yo`lga qo`yilganiga guvoh bo`ldik. Bolajonlarimizning kitob va kitobxonlik mavzusida aytgan she`rlari, sportchi o`quvchilarning chiqishlari tadbirga zavq bag`ishladi. Mazkur masala yuzasidan D.B.Axmedova ham o’z fikrlarini bildirdilar. Xususan, kelajak davr o’quvchisini, faqat bugunning emas rivojlanayotgan mamlakatimizning davomchilarini tarbiyalash zimmamizda ekanligi, xalq ta’limi hamkorligida hali qator muammolar yechimini topishi lozimligini e’tirof etdilar.Malakaviy amaliyot jarayonida orttirgan tajribalari kelajakda pedagogik faoliyatlarida talabalarimiz uchun poydevor vazifasini o’tashi shubhasiz ekanligini ta`kidladilar. Shu munosabat bilan talabalarimizga yaqindan ko’mak bergan Buxoro shahar 17-maktab rahbariyati va boshlang’ich sinf ustozlariga cheksiz minnatdorlik izhor qildilar. Tadbir so'ngida talabalar qo`l mehnati bilan tayyorlangan sovg`alar va faxriy yorliqlar tadbirda faol ishtirok etgan o`quvchilarga taqdim etildi. Mana shunday chiroyli va mazmunli tashkillashtirilgan tadbirlar o`quvchi yoshlarimiz va talabalarimiz xotirasida abadiy muhrlanib qoladi. Oliy o`quv yurtlari va maktablar hamkorligi bardavom bo`lishini chin dildan istab qolamiz.
