Maktabgacha va boshlang'ich ta'lim fakultetida Boshlang'ich ta'lim nazariyasi kafedrasi tashabbusi bilan talabalari o'rtasida reproduktiv salomatlik va huquqbuzarlikni oldini olish borasidagi bilimlarni oshirish maqsadida "Talabalarning huquqiy va tibbiy bilimlarini oshirish- davr talabi "mavzusida tadbir tashkil etildi.Tadbirni kafedra mudiri M.Ro'ziyeva ochib berdi va talabalarning huquqiy va tibbiy bilimlarini oshirish, ta'lim berish barobarida ularni har tomonlama tarbiyalash ham bugungi kundagi dolzarb muammolardan ekanligi to'g'risida o'z fikrlarini aytib o'tdi. Muloqotni "Oila IATM" Buxoro shahar bo'limi rahbari D.T.Narzullayeva davom ettirdilar.D.T.Narzullayeva oiladagi ijtimoiy-ma'naviy muhitni shakllantirish hamda oila mustahkamligini ta'minlashda er-xotinning roli ,milliy qadriyatlarimiz,an'analarimizni mustahkamlash,dinda oilaning o'rni,farzand tarbiyasi ,mamlakatning moddiy -iqtisodiy rivojida oilaning mustahkamligi borasida o'z fikrlarini bildirdi. Shuningdek, tadbirda Buxoro shahat IIB bo'lim boshlig'i Sh.N.Turdiyev talabalar orasida huquqbuzarlik holatlarining oldini olish to'g'risida va qolaversa yaqinlashib kelayotgan SAYLOV 2019 tadbirlarida faol ishtirok etish to'g'risida so'zladi. Mavzu bevosita axborot soatlaridagi "Mening mahallam-mening faxrim" mavzusi bilan bog'langan holda talabalarning ijarada yashaydigan hududlardagi mahallalarda o'z-o'zini boshqarish organlari bilan aloqada bo'lishi, har bir ma'lumot har bir holat yuzasidan mahalla posbonlari ogohlantirilishi uqtirildi. Shundan so'ng Buxoro viloyat sog'liqni saqlash boshqarmasi OITS ga qarshi kurash bo'limi xodimi S.Navro'zova so'zga chiqib talabalarni mazkur kasallikdan ehriyot bo'lishga chorladi, ko'rsatilgan videorolik orqali talabalar "asr vabosi" haqida ma'lumotga ega bo'ldilar. Tadbir barchaga birdek manzur bo'ldi.